រាជធានីភ្នំពេញ ៖ យុវជនម្នាក់បានត្រូវម្ចាស់ផ្ទះស្រែកឆោឡោដេញចាប់បានរួចប្រគល់ឲ្យប៉ូលិសមូលដ្ឋាន ខណៈយុវជននោះបានធ្វើសកម្មភាពលួចលុយ២០០ដុល្លារ ។ ហេតុការណ៍នេះ បានកើតឡើងនៅម៉ោង១០និង៣០នាទីព្រឹកថ្ងៃទី១៦ តុលា ២០១៤ នៅក្នុងភូមិត្រពំាងឈូក…
រាជធានីភ្នំពេញ ៖ យុវជនម្នាក់បានត្រូវម្ចាស់ផ្ទះស្រែកឆោឡោដេញចាប់បានរួចប្រគល់ឲ្យប៉ូលិសមូលដ្ឋាន ខណៈយុវជននោះបានធ្វើសកម្មភាពលួចលុយ២០០ដុល្លារ ។
ហេតុការណ៍នេះ បានកើតឡើងនៅម៉ោង១០និង៣០នាទីព្រឹកថ្ងៃទី១៦ តុលា ២០១៤ នៅក្នុងភូមិត្រពំាងឈូក សង្កាត់កន្ទោក ខណ្ឌពោធិសែនជ័យ ។
យុវជនសង្ស័យឈ្មោះ គង់ ធារ៉ា អាយុ១៩ឆ្នាំ មានស្រុកកំណើតនៅភូមិខ្សុមខាងជើង ឃុំកំពង់ពពិល ស្រុកពារំាង ខេត្តព្រៃវែង ។ ចំណែកម្ចាស់លុយឈ្មោះ មិន សុផល ភេទប្រុស អាយុ៤៩ឆ្នាំ រស់នៅក្នុងភូមិ-សង្កាត់កើតហេតុ ។
បើតាមម្ចាស់លុយបានឲ្យដឹងថា ជនសង្ស័យខាងលើបានមកសុំស្នាក់នៅជាមួយគាត់បានប៉ុន្មានថ្ងៃមកហើយ លុះដល់ថ្ងៃម្សិលមិញ (ថ្ងៃទី១៥តុលា) គាត់បានបាត់គ្រឿងអលង្ការមួយចំនួនក៍ចាប់ផ្តើមសង្ស័យ ក៍យកលុយ២០០ដុល្លារដាក់កន្លែងដែលបាត់គ្រឿងអលង្ការដើម្បីឃ្លំាមើល ក៍ឃើញយុវជនសង្ស័យនិងគូកនម្នាក់ទៀតបានចូលមកយក ក៍បានស្រែកឆោឡោដេញចាប់បានម្នាក់និងរត់រួចម្នាក់ ប៉ុន្តែលុយ២០០ដុល្លារនោះរកអត់ឃើញ ។
នៅពេលនេះ ជនសង្ស័យបានត្រូវប៉ូលិសមូលដ្ឋានបញ្ជូនទៅកាន់ប៉ុស្តិ៍នគរបាលរដ្ឋបាលសង្កាត់កន្ទោក ដើម្បីកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ