រាជធានីភ្នំពេញ ៖ ជនសង្ស័យពីរនាក់ជិះម៉ូតូពីរគ្រឿងធ្វើសកម្មភាពឆក់កាបូបពីនារីម្នាក់មិនបានសម្រចនាំគ្នាជិះម៉ូតូគេចខ្លួនដោយសុវត្ថិភាព ចំណែកនារីម្ចាស់កាបូបដួលម៉ូតូរងរបួសរលាត់ដៃជើង ។ ហេតុការណ៍នេះបានកើតឡើងកាលពីវេលាម៉ោង ៧ និង៣០នាទី យប់ ថ្ងៃទី១៣ តុលា ២០១៤ នៅចំណុចក្បែរពហុកីឡាដ្ឋានជាតិអូរឡាំ ពិក ផ្លូវ១៨២ កែង ផ្លូវ១៦៣ ស្ថិតក្នុងសង្កាត់វាលវង់ ខណ្ឌ៧មករា ។
ប្រភពព័ត៌មានពីនារីរងគ្រោះដែលសុំមិនបញ្ចេញឈ្មោះ បានឱ្យដឹងថា នៅមុនពេលកើតហេតុនារីរងគ្រោះជិះម៉ូតូអាយខុន មួយគ្រឿង ពណ៌ស លាយផ្ទៃមេឃ ពាក់ស្លាកលេខភ្នំណពេញ1BO-7326 ចេញពីសាលារៀនដោយធ្វើដំណើរតាមផ្លូវកម្ពុជាក្រោមនិងដឹងថាមានមនុស្សប្រុសពីរនាក់ជិះម៉ូតូតាមពីក្រោយតែនារីរងគ្រោះមិនចាប់អារម្មណ៍ស្មានថាជាអ្នកដំណើរធម្មតា ។ ខណៈនារីរងគ្រោះធ្វើដំណើរមកដល់ចំណុចកើតហេតុ ក៏ស្រាប់តែមានជនសង្ស័យពីរនាក់ជិះម៉ូតូពីរគ្រឿង មួយគ្រឿងម៉ាកស៊ុយស៊ូគីឡែត និងមួយគ្រឿងទៀតម៉ាកហុងដាឌ្រីម សេ១២៥ ជិះមកក្បែរហើយធ្វើសកម្មភាពឆក់កាបូបពីនារីរងគ្រោះតែមិនមិនបានសម្រេចដោយសារកាបូបនោះមាំល្អ ក៏ប៉ុន្តែបណ្តាលឱ្យនារីម្ចាស់កាបូបដួលម៉ូតូរលាត់ដៃជើង ចំណែកក្រុមជនសង្ស័យជិះម៉ូតូគេចខ្លួនបាត់ស្រមោលក្នុងមួយប៉ប្រិចភ្នែក ។
បន្ទាប់ពីកើតហេតុភ្លាមនគរបាលខណ្ឌ៧មករា បានចេញអន្តរាគមន៍គ្របច្រកល្ហកតែមិនអាចរកក្រុមជនសង្ស័យឃើញនោះទេ ដោយសមត្ថកិច្ចបានឱ្យថាក្រុមជនសង្ស័យគឺជាមុខសញ្ញាចាស់ដែលជំនួនខាងជិះម៉ូតូគេចខ្លួន ។ តែទោះបីជាយ៉ាងណាក៏ដោយនគរបាលខាងលើថានឹងស្រាវជ្រាវ រកក្រុមជនសង្ស័យយកមកផ្តន្ទាទោសតាមផ្លូវច្បាប់ ។
ក្រោយពេលកើតហេតុនារីរងគ្រោះបាននិយាយថាក្នុងកាបូបរបស់នាងមានតែលុយមួយចំនួន និងទូរស័ព្ទដៃមួយគ្រឿងតែប៉ុណ្ណោះហើយក៏មិនមានបាត់បង់នោះទេ ហើយនារីរងគ្រោះក៏បានដាក់ពាក្យបណ្តឹងនៅអធិការដ្ឋានខណ្ឌ៧មករា ដើម្បីឱ្យសមត្ថកិច្ចស្រាវជ្រាវចាប់ខ្លួនជនសង្ស័យកមកផ្តន្ទាទោសតាមនិតិវិធីច្បាប់។
ចែករំលែកព័តមាននេះ