ផ្ទុះក្នុងរោងចក្រចំរាញ់ប្រេងកាតមួយនៅម៉ិចស៊ិក
ដោយ ៖ ប្រុសកោះ
ថ្ងៃពុធ ទី៨ ខែកញ្ញា ឆ្នាំ២០១០ ម៉ោង ១៥:២៨
គេហទំព័របរទេស
រោងចក្រចំរាញ់ប្រេងដែលផ្ទុះ
អ្នកនាំពាក្យម្នាក់របស់ក្រុមហ៊ុនប្រេងរដ្ឋម៉ិចស៊ិក PEMEX ថ្លែងថា ការផ្ទុះមួយដែលបណ្តាលឱ្យមនុស្សស្លាប់ម្នាក់ និងរបួសធ្ងន់់២នាក់កើតមានក្នុងរោងចក្រចំរាញ់ប្រេងកាតមួយនាភាគខាងជើងម៉ិចស៊ិកដែលរោងចក្រនេះជារបស់ក្រុមហ៊ុន PEMEX ។
រោងចក្រចំរាញ់ប្រេងកាត CADEREYTA ជារោងចក្រចំរាញ់ប្រេងកាតយ៉ាងទំនើបបំផុតរបស់ប្រទេសមានសមត្ថភាពផលិតប្រេងដល់ទៅ ២៧៥.០០០ធុងក្នុងមួយថ្ងៃ ។ អ្នកនាំពាក្យរបស់ PEMEX បញ្ជាក់ក្នុងសេចក្តីប្រកាសមួយថា ការផ្ទុះកើតមានបន្ទាប់ពីការធ្លាយក្នុង COMPESSEUR មួយ ។ អ្នកស្លាប់ជាវិស្វករម្នាក់អាយុ៣២ឆ្នាំ ។ និយោជិត២នាក់ត្រូវរលាកខ្លួនធ្ងន់ធ្ងរ ហើយមនុស្ស៨នាក់ទៀតត្រូវរលាកស្រាល ។ អគ្គីភ័យត្រូវបានពន្លត់ភ្លាមៗ៕
