រាជធានីភ្នំពេញ ៖ ជនសង្ស័យម្នាក់ ក្នុងចំណោមគ្នា៣នាក់ ត្រូវប៉ូលិសប៉ុស្តិ៍បឹងកេងកងទី២ ដេញប៉ផាប់ពភីងចាប់បាន ខណៈពួកគេជិះម៉ូតូធ្វើសកម្មភាពឆក់ទូរស័ព្ទដៃម៉ាកអាយហ្វូនពីបុរសម្នាក់កំពុងជិះម៉ូតូនិយាយទូរស័ព្ទបានសម្រេច ហើយបើករត់ ។
ហេតុការណ៍នេះកើតឡើងកាលពីវេលាម៉ោង៣និង៥០នាទីរសៀលថ្ងៃទី០២ តុលា នៅតាមផ្លូវ២៧៨កែងផ្លូវព្រះមុនីវង្ស សង្កាត់បឹងកេងកងទី២ ខណ្ឌចំការមន ។ ជនសង្ស័យឈ្មោះ ឆៃ ឈឿន អាយុ២៥ឆ្នាំ ។
ប្រភពព័ត៌មានឱ្យដឹងថា ជនសង្ស័យមានគ្នា៣នាក់ ជិះម៉ូតូមួយគ្រឿងម៉ាកស្មាស់ បានធ្វើសកម្មភាពឆក់ទូរស័ព្ទដៃម៉ាកអាយហ្វូនពីបុរសម្នាក់កំពុងជិះម៉ូតូហើយនិយាយទូរស័ព្ទ ។ ប្រភពបន្តថា ពេលចោរឆក់ទូរស័ព្ទបានសម្រេចហើយ ភ្លាមៗជនរងគ្រោះបានស្រែកថាចោរ ចោរ ពេលនោះសមត្ថកិច្ចល្បាតប៉ុស្តិ៍បឹងកេងកងទី២ឃើញ ក៏ជិះដេញតាម និងស្ទាក់ចាប់បានម្នាក់ ខណៈបក្សពួក២នាក់ទៀតរត់គេចបាត់ ។
ក្រោយពីកើតហេតុ សមត្ថកិច្ចដកហូតបានទូរស័ព្ទដៃ ប្រគល់ឱ្យម្ចាស់គេវិញ ឯជនសង្ស័យសមត្ថកិច្ចកំពុងសាកសួរនៅប៉ុស្តិ៍នគរបាលបឹងកេងកងទី២ ៕
ចែករំលែកព័តមាននេះ