AFP ផ្សាយកាលពីពេល ថ្មីៗនេះថា និស្សិតបរទេសដែលសិក្សានៅប្រទេសអូស្ត្រាលី ត្រូវចំណាយខ្ពស់បំផុតនៅលើពិភពលោក គឺខ្ពស់ជាងការសិក្សានៅសិង្ហបុរី និងអាមេរិកទៅទៀត។ ចំណែកប្រទេសឥណ្ឌា ជាប្រទេសដែលនិស្សិតចំណាយទាបបំផុត ។ ការស្រាវជ្រាវរបស់ធនាគារ HSBC ដែលប្រមូលទិន្នន័យពីថ្លៃចំណាយរបស់និស្សិតបរទេសក្នុងចំណោម១៥ប្រទេសឃើញថា អ្នកដែល
AFP ផ្សាយកាលពីពេល ថ្មីៗនេះថា និស្សិតបរទេសដែលសិក្សានៅប្រទេសអូស្ត្រាលី ត្រូវចំណាយខ្ពស់បំផុតនៅលើពិភពលោក គឺខ្ពស់ជាងការសិក្សានៅសិង្ហបុរី និងអាមេរិកទៅទៀត។ ចំណែកប្រទេសឥណ្ឌា ជាប្រទេសដែលនិស្សិតចំណាយទាបបំផុត ។ ការស្រាវជ្រាវរបស់ធនាគារ HSBC ដែលប្រមូលទិន្នន័យពីថ្លៃចំណាយរបស់និស្សិតបរទេសក្នុងចំណោម១៥ប្រទេសឃើញថា អ្នកដែលសិក្សានៅមហាវិទ្យាល័យអូស្ត្រាលីត្រូវមានប្រាក់ជាមធ្យម៤២.០០០ដុល្លារក្នុងមួយឆ្នាំ ទាំងថ្លៃសិក្សា និងការស្នាក់នៅ ។
តួលេខនេះខ្ពស់ជាងថ្លៃចំណាយសម្រាប់និស្សិតបរទេសនៅសិង្ហបុរីដល់ទៅ៣.០០០ដុល្លារ ។ ចំពោះនិស្សិតសិក្សានៅប្រទេសឥណ្ឌាអាចសន្សំសំចៃប្រាក់បានច្រើនដល់ទៅ៣៦.០០០ដុល្លារក្នុងមួយឆ្នាំ ។ ទោះបីជាថ្លៃចំណាយនៅអូស្ត្រាលីមានកម្រិតខ្ពស់ ប៉ុន្តែនៅអាមេរិកផ្តល់គុណភាពខ្ពស់ផ្នែកសិក្សាដល់និស្សិត បន្ទាប់មកគឺអង់គ្លេស និងអាល្លឺម៉ង់ ។
លោក Simon Williams ប្រធានផ្នែកសេដ្ឋសាស្ត្រ នៃធនាគារ HSBC បញ្ជាក់ថា «គោលបំណងចម្បងដែលអាណាព្យាលបញ្ជូនកូនទៅរៀននៅបរទេស ព្រោះចង់ឱ្យចេះភាសាបរទេស មានបទពិសោធន៍ក្នុងការរស់នៅបរទេស និងចេះទីពឹងខ្លួនឯង ប៉ុន្តែការសិក្សានៅបរទេស គឺជួបការលំបាក ពិសេសផ្នែកប្រាក់ចំណាយ» ។
លទ្ធផលស្រាវជ្រាវស្តីពី The Value of Education ដែលបានចុះផ្សាយកាលពីពេល ថ្មីៗកន្លងមក បញ្ជាក់ថា តាមការសាកសួរពីអាណាព្យាបាលចំនួន៥.០០០នាក់ ឃើញថា ប្រហែល៨៩%ចង់ឱ្យកូនរៀននៅមហាវិទ្យាល័យ និង៧៤% ចង់បញ្ជូនកូនទៅបរទេស ។ ថ្លៃចំណាយសម្រាប់និស្សិតបរទេស ក្នុងប្រទេសទាំង១៥ត្រូវបានរៀបចំចំណាត់ថ្នាក់ពីថ្លៃខ្ពស់ទៅទាបរួមមានអូស្ត្រាលី សិង្ហបុរី អាមេរិក អង់គ្លេស ហុងកុង កាណាដា បារាំង ម៉ាឡេស៊ី ឥណ្ឌូណេស៊ី ប្រេស៊ីល តៃវ៉ាន់ តួកគី ចិន មុិកសិុក និងឥណ្ឌា ៕
ចែករំលែកព័តមាននេះ