បាងកក ៖ រដ្ឋមន្ត្រីហិរញ្ញវត្ថុថៃព្រមទទួលថា កំណើនសេដ្ឋកិច្ចនៅក្នុងប្រទេសឆ្នាំនេះមិនអាចសម្រេចបាន២%ឡើយ ដោយសារតែបញ្ហានយោបាយដែលកើតមានឡើងកាលពីដើមឆ្នាំគួបផ្សំនឹងការចុះថយនៃកំណើនសេដ្ឋកិច្ចសកល ។ ប៉ុន្តែទោះបីជាយ៉ាងណា លោកបានព្យាករថា កំណើននៅឆ្នាំក្រោយអាចនឹងកើនឡើង៤,៥% ដោយសាររតែការបន្តវិធានការដែលជាគ្រឿងជំរុញសេដ្ឋកិច្ច
បាងកក ៖ រដ្ឋមន្ត្រីហិរញ្ញវត្ថុថៃព្រមទទួលថា កំណើនសេដ្ឋកិច្ចនៅក្នុងប្រទេសឆ្នាំនេះមិនអាចសម្រេចបាន២%ឡើយ ដោយសារតែបញ្ហានយោបាយដែលកើតមានឡើងកាលពីដើមឆ្នាំគួបផ្សំនឹងការចុះថយនៃកំណើនសេដ្ឋកិច្ចសកល ។ ប៉ុន្តែទោះបីជាយ៉ាងណា លោកបានព្យាករថា កំណើននៅឆ្នាំក្រោយអាចនឹងកើនឡើង៤,៥% ដោយសាររតែការបន្តវិធានការដែលជាគ្រឿងជំរុញសេដ្ឋកិច្ចរបស់រដ្ឋាភិបាល ។
លោករដ្ឋមន្ត្រីបានបញ្ជាក់ថា ក្រសួងបានដាក់ទិសដៅនៃកំណើនសេដ្ឋកិច្ច៤,៥%សម្រាប់ឆ្នាំ២០១៥ ខ្ពស់ជាងការព្យាកររបស់ទីភ្នាក់ងារមួយចំនួន បើទោះបីជាឆ្នាំនេះកំណើនមានកម្រិតទាបជាងការរំពឹងទុកយ៉ាងណាក្តី ។ ជាងនេះទៅទៀតរដ្ឋាភិបាលអាចនឹងរួសរាន់ចំណាយថវិការបស់ខ្លួន ហើយក្រុមប្រឹក្សាវិនិយោគរបស់ថៃក៏អាចនឹងអនុម័តភ្លាមៗលើការលើកទឹកចិត្តវិនិយោគិន ។
ដូចនេះការចំណាយថវិការបស់រដ្ឋាភិបាល និងការលើកទឹកចិត្តដល់អ្នកវិនិយោគនឹងអាចជួយដល់ការផ្លាស់ប្តូរកំណើនសេដ្ឋកិច្ចថៃឆ្ពោះទៅមុខនៅឆ្នាំក្រោយដែលជាលទ្ធផលនៅក្នុងរូបភាពនៃសេដ្ឋកិច្ចដ៏ភ្លឺស្វាង ៕
ចែករំលែកព័តមាននេះ