រាជធានីភ្នំពេញ ៖ លោកប៉ា សុជាតិវង្ស អភិបាលរាជធានីភ្នំពេញ បានលើកឡើងថា «នៅឆ្នាំ២០១៥ឆាប់ៗខាងមុខនេះ សាលារាជធានីភ្នំពេញនឹងដាក់ឱ្យដំណើរការសេវារថយន្តក្រុងដឹកអ្នកដំណើរសារធារណៈបន្ថែមឱ្យបាន១០ខ្សែទៀត ដោយប្រើប្រាស់រថយន្តចំនួនយ៉ាងតិច១៥០គ្រឿង ដើម្បីបម្រើសេវាជូនប្រជាពលរដ្ឋក្នុងបំណងកាត់បន្ថយបញ្ហាកកស្ទះ និងគ្រោះថ្នាក់ចរាចរណ៍ និងកាត់បន្ថយការបំពុលបរិស្ថានក្នុងរាជធានីភ្នំពេញឱ្យកាន់តែប្រសើរឡើង » ។
លោកប៉ា សុជាតិវង្ស លើកឡើងបែបនេះ ក្នុងពិធីចុះហត្ថលេខាលើអនុស្សារណៈស្តីពីកិច្ចសហហប្រតិបត្តិការលើសេវាដឹកជញ្ជូនអ្នកដំណើរសាធារណៈក្នុងរាជធានីភ្នំពេញ រវាងរដ្ឋាករស្វយ័តដឹកជញ្ជូនសាធារណៈរថយន្តក្រុងនៃសាលារាជធានីភ្នំពេញ និងក្រុមហ៊ុនដឹកអ្នកដំណើរ Yutong នៃខេត្ត Henan ប្រទេសចិន នៅសាលារាជធានីភ្នំពេញ កាលពីរសៀលកាលថ្ងៃទី៣០កញ្ញា ២០១៤ ។
លោកប៉ា សុជាតិវង្ស បានឱ្យដឹងទៀតថា «ទោះបីសាលារាជធានីភ្នំពេញ មានគម្រោងបែបនេះ តែសម្រាប់មន្ត្រីជំនាញខាងវិស័យនេះ នៅមានបទពិសោធន៍តិចតួចនៅឡើយ ម្យ៉ាងទៀតសេវាដឹកជញ្ជូនរថយន្តក្រុងក្នុងរាជធានីនេះ ទើបតែចាប់ផ្តើមប៉ុណ្ណោះ ដូច្នេះត្រូវការបន្ថែមនូវកិច្ចសហប្រតិបត្តិការជាមួយដៃគូដែលមានបទពិសោធន៍ច្រើនលើបញ្ហានេះ ដូចជាក្រុមហ៊ុនដឹកអ្នកដំណើរ Yutong ជាដើម » ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ