សមាគមកីឡាវាយកូនបាល់អាជីពផ្នែកបុរសហៅកាត់ ATP Tour បានឱ្យដឹងថា ប្រាក់រង្វាន់សរុបសម្រាប់ព្រឹត្តិការណ៍ដំណាច់ឆ្នាំ ATP World Tour Finals នាឆ្នាំ២០១៤ នេះនឹងឡើងដល់៩០លានដុល្លារអាមេរិក ពោលគឺកើនប្រហែលជា៣០ភាគរយ ។
ATP World Tour Finals គឺជាព្រឹត្តិការណ៍ប្រកួតដំណាច់ឆ្នាំដែលមានការចូលរួមពីកំពូលកីឡាករល្បីៗក្នុងលោកចំនួន៨រូប ។
សមាគមកីឡាវាយកូនបាល់អាជីពផ្នែកបុរសហៅកាត់ ATP Tour បានឱ្យដឹងថា ប្រាក់រង្វាន់សរុបសម្រាប់ព្រឹត្តិការណ៍ដំណាច់ឆ្នាំ ATP World Tour Finals នាឆ្នាំ២០១៤ នេះនឹងឡើងដល់៩០លានដុល្លារអាមេរិក ពោលគឺកើនប្រហែលជា៣០ភាគរយ ។
ATP World Tour Finals គឺជាព្រឹត្តិការណ៍ប្រកួតដំណាច់ឆ្នាំដែលមានការចូលរួមពីកំពូលកីឡាករល្បីៗក្នុងលោកចំនួន៨រូប ។
ព្រឹត្តិការណ៍នេះត្រូវបានប្រារព្ធធ្វើនៅទីលានប្រកួត 2 Arena ស្ថិតក្នុងទីក្រុងឡុងដ៍ប្រទេសអង់គ្លេស តាំងពីឆ្នាំ២០០៩ មកម្ល៉េះ ។
ការបង្កើនចំនួនទឹកប្រាក់៣០% នេះបានធ្វើឱ្យទឹកប្រាក់រង្វាន់ដែលត្រូវបែងចែកឱ្យកីឡាករម្នាក់ៗសម្រាប់ឆ្នាំ២០១៤ កើនឡើងដល់៦,៥លានដុល្លារអាមេរិក ។
ចំណែកទឹកប្រាក់រង្វាន់សរុបនៅក្នុងក្របខ័ណ្ឌ Masters 1000ធំៗទាំង៩របស់សមាគម ATP ក៏ត្រូវបានបង្កើន៩% ផងដែរ ។ ក្របខ័ណ្ឌ Masters 1000 ធំៗទាំងនេះត្រូវគេរៀបចំធ្វើនៅក្នុងបណ្តាទីក្រុងធំៗមួយចំនួនក្នុងពិភពលោកមានដូចជាក្រុងស៊ីនស៊ីនណាទី ក្រុងប៉ារីស ក្រុងរ៉ូមនិងទីក្រុងសៀងហៃជាដើម ។ ដោយឡែកប្រាក់លើកទឹកចិត្តបន្ថែមសម្រាប់កីឡាករលំដាប់កំពូលៗទាំង១២លើលោក ក៏នឹងកើន៣៣%ផងដែរ គឺពី៦លានទៅ៨លានដុល្លារអាមេរិក ។
នៅក្នុងសេចក្តីថ្លែងការណ៍មួយចេញផ្សាយតាមគេហទំព័រជាផ្លូវការរបស់ខ្លួន សមាគមATPTour បាននិយាយថា ការបង្កើនទឹកប្រាក់នេះគឺបានឆ្លុះបញ្ចាំងពីទ្រព្យសម្បត្តិទេពកោសល្យបច្ចុប្បន្នរបស់កីឡា ។ លោកអាដាំ ហេលហ្វែ៊នប្រធាន និងជានាយកប្រតិបត្តិរបស់សមាគមនេះបានបញ្ជាក់ថា ៖ «យើងមានឯកសិទ្ធិផ្តល់ជាបទពិសោធន៍នូវយុគសម័យមាសមួយនៅក្នុងវិស័យកីឡាវាយកូនបាល់អាជីពផ្នែកបុរស ។ វាជាការសមរម្យដែលថា ការប្រព្រឹត្តនិងភាពឆ្នើមរបស់បណ្តាកីឡាករត្រូវបានទទួលស្គាល់ និងផ្តល់ជារង្វាន់តាមមធ្យោបាយនេះ ។ យើងមានភាពរីករាយដែលបានឈានដល់ការព្រមព្រៀងគ្នាធ្វើបែបនេះ ហើយនោះវាបានឆ្លុះបញ្ចាំងនូវការពិតដែលថា ការធ្វើជំនួញតាមរយៈ ATP World Tour មានសភាពខ្លាំងក្លាជាងមុន» ។
សូមបញ្ជាក់ថា គំនិតផ្តួមផ្តើមលើការបង្កើនចំនួនប្រាក់រង្វាន់ព្រឹត្តិការណ៍ខាងលើនេះមានចាប់តាំងពីឆ្នាំ២០១១ មកម្ល៉េះ ហើយវានឹងមិនធ្វើឱ្យប៉ះពាល់ដល់ទឹកប្រាក់រង្វាន់សម្រាប់ក្របខ័ណ្ឌធំៗទាំង៤នោះទេ ។ ពានជើងឯកព្រឹត្តិការណ៍ប្រកួតវាយកូនបាល់ដំណាច់ឆ្នាំ ATP World Tour Finals កាលពីឆ្នាំ២០១០និង២០១១ បានទៅលើដៃកីឡាករលំដាប់ទី៣ ពិភពលោករ៉ូជើហ្វេដឺរ័រទាំងអស់ ខណៈឆ្នាំ២០១២ និង២០១៣ បានទៅលើកីឡាករស៊ែប៊ីណូវ៉ាក់ យ៉ូកូវិច ។ សម្រាប់ឆ្នាំនេះ ការប្រកួតនឹងធ្វើពីថ្ងៃទី៩ ដល់ទី១១ ខែវិច្ឆិកា ៕
ចែករំលែកព័តមាននេះ