ខេត្តបន្ទាយមានជ័យ ៖ ឈើគ្រញូងត្រូវបានឈ្មួញដឹកជញ្ជូនពីប្រទេសជិតខាងហើយយកមកស្តុុបទុកក្នុងខេត្តបន្ទាយមានជ័យ ដើម្បីនាំចេញទៅលក់នៅប្រទេសទី៣នោះ ត្រូវបានសមត្ថកិច្ចបង្ក្រាបបានឈើគ្រញូងចំនួន៥១០គីឡូក្រាមនៅវេលាម៉ោង៦ល្ងាច ថ្ងៃទី៣០ កញ្ញា ២០១៤ ស្ថិតនៅភូមិសូភី សង្កាត់កំពង់ស្វាយ ក្រុងសិរីសោភ័ណ ។
ខេត្តបន្ទាយមានជ័យ ៖ ឈើគ្រញូងត្រូវបានឈ្មួញដឹកជញ្ជូនពីប្រទេសជិតខាងហើយយកមកស្តុុបទុកក្នុងខេត្តបន្ទាយមានជ័យ ដើម្បីនាំចេញទៅលក់នៅប្រទេសទី៣នោះ ត្រូវបានសមត្ថកិច្ចបង្ក្រាបបានឈើគ្រញូងចំនួន៥១០គីឡូក្រាមនៅវេលាម៉ោង៦ល្ងាច ថ្ងៃទី៣០ កញ្ញា ២០១៤ ស្ថិតនៅភូមិសូភី សង្កាត់កំពង់ស្វាយ ក្រុងសិរីសោភ័ណ ។
លោក ជា លផ្លី នាយខ័ណ្ឌរដ្ឋបាលព្រៃឈើបន្ទាយមានជ័យបានប្រាប់ថា ក្រោយពេលដែលទទួលព័ត៌មានដឹងថាឈ្មួញបាននាំឈើគ្រញូងពីប្រទេសជិតខាងមកលាក់ទុកបម្រុងនាំចេញទៅប្រទេសទី៣ ។ មន្ត្រីខណ្ឌរដ្ឋបាលព្រៃឈើសហការជាមួយកម្លាំងនគបាលប្រឆាំងបទល្មើសសេដ្ឋកិច្ចខេត្ត និងក្រសួងបានកំណត់មុខសញ្ញា និងបានចុះធ្វើការឆែកឆេររកឃើញឈើគ្រញូងដុំតូចជាច្រើនដុំដែលស្មើនឹង៥១០គីឡូក្រាម នៅផ្ទះឈ្មោះ ឡុន ភេទប្រុស អាយុជាង៦០ឆ្នាំ ។ លោកបានបន្តថា បើយោងតាមចម្លើយម្ចាស់ផ្ទះឈ្មោះ ឡុន បានឆ្លើយបដិសេធថា ឈើគ្រញូងនេះ មិនមែនជារបស់គាត់ទេ គឺមានគេជួលដាក់ទុកនាំចេញទៅលក់បន្ត។ ទោះជាយ៉ាងណាក៏ដោយ មន្ត្រីជំនាញកំពុងធ្វើការស្រាវជ្រាវរកម្ចាស់ឈើ ដើម្បីមានវិធានការតាមច្បាប់ ។
គួររំលឹកថា ក្រោយពេលដែលឈើគ្រញូងចាប់ផ្តើមមានហាងឆេងនាំចេញទៅលក់នៅប្រទេសវៀតណាម គឺខេត្តបន្ទាយមានជ័យ បានក្លាយជាខេត្តដែលឈ្មួញនាំចូលឈើគ្រញូងពីប្រទេសថៃចូលមកកម្ពុជា និងជាកន្លែងដែលស្តុបនាំចេញទៅប្រទេសទី៣ ។ ដែលឆ្លងកាត់រាល់យប់ត្រូវបានបង់លុយឱ្យសមត្ថកិច្ចគ្រប់ស្ថាប័ន ទើបនាំចូល និងឆ្លងកាត់យ៉ាងគគ្រឹកគគ្រេងបែបនេះ។
ចែករំលែកព័តមាននេះ