ខេត្តបន្ទាយមានជ័យ ៖ កម្លាំងកងរាជអាវុធហត្ថក្រុងប៉ោយប៉ែតបានឃាត់ខ្លួនស្ត្រីជាជនសង្ស័យម្នាក់ដោយចោទប្រកាន់ពីបទចែកចាយគ្រឿងញៀនត្រូវបានបញ្ជូនទៅសាលាដំបូងខេត្តចាត់ការតាមច្បាប់នាព្រឹកថ្ងៃទី៣០ កញ្ញា ២០១៤ ។
ខេត្តបន្ទាយមានជ័យ ៖ កម្លាំងកងរាជអាវុធហត្ថក្រុងប៉ោយប៉ែតបានឃាត់ខ្លួនស្ត្រីជាជនសង្ស័យម្នាក់ដោយចោទប្រកាន់ពីបទចែកចាយគ្រឿងញៀនត្រូវបានបញ្ជូនទៅសាលាដំបូងខេត្តចាត់ការតាមច្បាប់នាព្រឹកថ្ងៃទី៣០ កញ្ញា ២០១៤ ។
លោកអនុសេនីយ៍ឯក ជា ដា មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ឱ្យដឹងថាស្ត្រីជនសង្ស័យដែលត្រូវចាប់ខ្លួនមានឈ្មោះ ពេជ្យ អាជី អាយុ២៨ឆ្នាំ ស្នាក់នៅក្រុងប៉ោយប៉ែត ខេត្តបន្ទាយមានជ័យ ។
លោកបានបន្តថាស្ត្រីជនជាប់ចោទរូបនេះជាមុខសញ្ញាចាស់ហើយនៅពេលធ្វើសកម្មភាពចែកចាយគ្រឿងញៀនកម្លាំងសមត្ថកិច្ចបានឃាត់ខ្លួនព្រមទាំងវត្ថុតាងមានគ្រឿងញៀនមេតំហ្វេតាមីនប្រភេទខេទឹកកទម្ងន់០,៧៦ក្រាមនិងគ្រឿងញៀនកេតាមីនទម្ងន់១,៩៨ក្រាមកាលពីថ្ងៃទី២៨ កញ្ញា ២០១៤ វេលាម៉ោង៤និង៣០នាទីនៅចំណុចតាមផ្លូវជាតិលេខ៥ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកអនុសេនីយ៍ឯក ជា ដា បានបន្តទៀតថាយោងតាមចំលើយស្ត្រីជាប់ចោទបានសារភាពថាគនេះជាលើកទី១ហើយដែលនាងស៊ីឈ្នួលកាន់យកកំរ៉ៃត្រូវបានកម្លាំងកងរាជអាវុធហត្ថចាប់ខ្លួនព្រមទាំងវត្ថុតាងគ្រឿងញៀន។
ចែករំលែកព័តមាននេះ