រាជធានីភ្នំពេញ ៖ រឺុម៉កម៉ូតូមួយគ្រឿងមានដឹកកម្មករ និងសម្ភារជួលជុលស្ពានបានបើកជ្រុលចង្កូតធ្លាក់ចូលក្នុងទឹកប្រឡាយ ប៉ុន្តែមិនបណ្តាលឱ្យមានមនុស្សណាម្នាក់រងរបួសធ្ងន់នោះទេគ្រាន់តែរងការខូចខាតរឺុម៉កម៉ូតូតិចតួចប៉ុណ្ណោះ ។ ហេតុការណ៍នេះកើតឡើងកាលពីវេលាម៉ោង ៨និង៣០នាទីយប់ ថ្ងៃទី៣០ កញ្ញា២០១៤ នៅក្នុងប្រឡាយទឹកជាប់របងវិទ្យាល័យជម្ពូវ័ន តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ។បុរសបើករឺុម៉កតូឈ្មោះ ហេង សំបូរ អាយុ៣២ឆ្នាំ ។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុគេឃើញរឺុម៉កម៉ូតូមួយគ្រឿង អត់មានស្លាកលេខ បើកដោយបុរសម្នាក់ និងរួមដំណើរដោយបុរស៣នាក់ទៀត ហើយក៏មានដឹកសម្ភារសំរាប់ជួសជុលស្ពានយ៉ាងច្រើន ដោយធ្វើដំណើរតាមផ្លូវជាតិលេខ៤ ក្នុងទិសដៅពីលិច ទៅកើត ខណៈមកដល់ចំណុចកើតហេតុដោយសារផ្លូវងងឹតផងនោះ រឺុម៉កម៉ូតូក៏បានបើកជ្រុលធ្លាក់ចូលក្នុងទឹកប្រឡាយ ប៉ុន្តែមិនបណ្តាលឱ្យមានមនុស្សណាម្នាក់រងរបួសធ្ងន់នោះទេគ្រាន់តែរង ការខូចខាតរឺុម៉កម៉ូតូតិចតួចប៉ុណ្ណោះ ។
ក្រោយពេលកើតហេតុអ្នកជិះក្នុងរឺុម៉កម៉ូតូទាំងនោះនាំគ្នាចុះស្រង់សម្ភារដែលលិចទៅក្នុងទឹកដោយពុំមានរំខានដល់សមត្ថកិច្ចនោះទេ ។
ចែករំលែកព័តមាននេះ