រាជធានីភ្នំពេញ ៖ ស្រ្តីម្នាក់កំពុងតែជិះម៉ូតូឌុបត្រូវជនសង្ស័យពីរនាក់ជិះម៉ូតូមួយគ្រឿងម៉ាកវ៉េវ ពណ៌ខ្មៅអត់ស្លាកលេខ មកក្បែរ ហើយធ្វើសកម្មភាពឆក់យកខ្សែ.ក ប្លាទីនបណ្តាលឱ្យស្រ្តីរូបនោះធ្លាក់ពីលើម៉ូតូរងរបួសធ្ងន់ ប៉ុន្តែក្រុមជនសង្ស័យឆក់ខ្សែ.ក យកទៅមិនបានសម្រេចទេដោយសារខ្សែ.ក ដាច់ធ្លាក់ទៅលើថ្នល់
រាជធានីភ្នំពេញ ៖ ស្រ្តីម្នាក់កំពុងតែជិះម៉ូតូឌុបត្រូវជនសង្ស័យពីរនាក់ជិះម៉ូតូមួយគ្រឿងម៉ាកវ៉េវ ពណ៌ខ្មៅអត់ស្លាកលេខ មកក្បែរ ហើយធ្វើសកម្មភាពឆក់យកខ្សែ.ក ប្លាទីនបណ្តាលឱ្យស្រ្តីរូបនោះធ្លាក់ពីលើម៉ូតូរងរបួសធ្ងន់ ប៉ុន្តែក្រុមជនសង្ស័យឆក់ខ្សែ.ក យកទៅមិនបានសម្រេចទេដោយសារខ្សែ.ក ដាច់ធ្លាក់ទៅលើថ្នល់ ហើយក្រុមជនសង្ស័យក៏ជិះម៉ូតូគេចខ្លួនបាត់ទៅ ។ ហេតុការណ៍នេះកើតឡើងកាលពីវេលាម៉ោង ៦ និង១៥នាទីព្រឹកថ្ងៃទី ៣០ កញ្ញា ២០១៤ នៅចំណុចផ្លូវ២០៥ កែងនិងផ្លូវ ៤៣០ ស្ថិតក្នុងសង្កាត់ទំប់ទឹក ខណ្ឌចំការមន ។
បន្ទាប់ពីរមានហេតុការណ៍នេះកើតឡើងសមត្ថកិច្ចនគរបាលប៉ុស្តិ៍ទំនប់ទឹក បានធ្វើការស្រាវជ្រាវភ្លាមៗរហូតកំណត់មុខសញ្ញាបាននិងឈានទៅឃាត់ខ្លួនជនសង្ស័យទាំងពីរនាក់បានជាបន្តបន្ទាប់ ដោយជនសង្ស័យទី១. ឈ្មោះ ស៊ូ ឡាយ ភេទប្រុស អាយុ២៦ឆ្នាំ សមត្ថកិច្ចចាប់ខ្លួនបាននៅវេលាម៉ោង១១ ថ្ងៃទី៣០ កញ្ញា ២០១៤ ចំណែកជនសង្ស័យទី២. ឈ្មោះ ម៉ែន សារិទ្ធ ភេទប្រុស អាយុ៣០ឆ្នាំ សមត្ថកិច្ចចាប់ខ្លួនបាននៅវេលាម៉ោង ៣រសៀល ថ្ងៃទី ៣០ កញ្ញា ២០១៤ ។ ជនសង្ស័យទាំងពីរនាក់ស្នាក់នៅបន្ទប់ជួលជិតគ្នា ក្នុងសង្កាត់ទំនប់ទឹក ខណ្ឌចំការមន ។
ក្រោយពេលឃាត់ខ្លួនជនសង្ស័យទាំងពីរនាក់ត្រូវបានសមត្ថកិច្ច បញ្ជូនខ្លួនទៅកាន់អធិការដ្ឋានខណ្ឌចំការមនដើម្បីសាកសួរនិង កសាងសំណុំរឿងចាត់ការតាមនិតិវិធីច្បាប់ ។
ចែករំលែកព័តមាននេះ