ខេត្តស្វាយរៀង ៖ កម្មករ កម្មការិនីរោងចក្រប៉ាន់ឡជាង២០០នាក់បាននាំគ្នាធ្វើកូដកម្ម ដើម្បីទាមទារលក្ខខណ្ឌការងារចំនួន០៩ចំណុច ដែលក្រុមកម្មករកម្មការិនីចោទប្រកាន់ថា ភាគីក្រុមហ៊ុនរំលោភលើកិច្ចសន្យា។ ការធ្វើកូដកម្មនេះកើតឡើងកាលពីវេលាម៉ោង៨ព្រឹកថ្ងៃទី៣០ កញ្ញា នៅមុខរោងចក្រប៉ាន់ឡផលិតសម្លៀកបំពាក់ ស្ថិតនៅភូមិស្រម៉ ឃុំខ្សែត្រ ស្រុកកំពង់រោទិ៍ ។
បើតាមតំណាងកម្មករឲ្យដឹងថា មូលហេតុនាំឲ្យកម្មករ កម្មការិនីធ្វើកូដកម្មនេះដោយសារថៅកែក្រុមហ៊ុនរំលោភលើកិច្ចសន្យានិងខ្វះការទទួលខុសត្រូវ ហើយទាមទារលក្ខខណ្ឌ០៩ចំណុច ១-សូមឱ្យក្រុមហ៊ុនដំឡើងប្រាក់បន្ថែមតម្លៃឡូក្នុងមួយឡូ០៧កាក់ ២-សុំប្រាក់បន្ថែមម៉ោង០៩ដុល្លា ៣-សុំបើកប្រាក់ខែឲ្យទៀងទាត់រាល់ខែ ៤-ផ្តល់ទឹកសុទ្ធឲ្យកម្មករនិយោជិតហូបពេលធ្វើការ ៥-មានគ្រូពេទ្យប្រចាំរោងចក្រ ៦-ធ្វើរោងកន្លែងហូបបាយ ៧-កន្លែងផ្ញើម៉ូតូ កង់ ៨-ក្រុមហ៊ុនត្រូវផ្គត់ផ្គង់ក្រណាត់និងសម្ភារផលិតសម្លៀកបំពាក់ឲ្យគ្រប់គ្រាន់សម្រាប់កម្មការិនីដេររាល់ខែ និង៩-បើករណីក្រុមហ៊ុនគ្មានក្រណាត់ឲ្យកម្មការនីធ្វើការ ក្រុមហ៊ុនត្រូវគិតប្រាក់ខែឲ្យកម្មការិនី ប្តូរការដេរយកប៊ុង ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ