ក្រោយពិធីចូលកាន់តំណែង ប្រធានាធិបតីថ្មីអាហ្វហ្គានីស្ថាន លោក អាស្ត្រាវ ហ្គានី បានស្នើដល់ពួកតាលីបង់ឱ្យចាប់ផ្តើមការចរចា ហើយស្នើដល់សហរដ្ឋអាមេរិកឱ្យរក្សាទុកវត្តមានយោធានៅអាហ្វហ្គានីស្ថាន ។៣៥ឆ្នាំក្រោយចាប់ផ្តើមសង្គ្រាមសុីវិលប្រទេសអាហ្វហ្គានីស្ថាន កាលពីថ្ងៃទី២៩ កញ្ញា បានរៀបចំពិធីផ្ទេរអំណាច ដោយសន្តិវិធីជាប្រវត្តិសាស្ត្រមួយ ។ ប្រធានាធិបតីចប់អាណត្តិលោក ហាមីដ កាហ្សៃ បានផ្ទេរតំណែងទៅឱ្យលោក អាស្ត្រាវហ្គានី ។
ការឡើងកាន់អំណាចរបស់ប្រធានាធិបតីថ្មីនេះ ពុំមែនប្រព្រឹត្តទៅដោយរលូនឡើយ ។ អតីតមន្ត្រីជាន់ខ្ពស់របស់ធនាគារពិភពលោករូបនេះ ទទួលជ័យជម្នះពោរពេញដោយភាពចម្រូងចម្រាស់ប្រជែងគ្នាជាមួយលោក អាប់ឌុលឡាហ៍ អាប់ឌុលឡាហ៍ ។ លោកអាប់ឌុលឡាហ៍ ក្នុងការបោះឆ្នោតប្រធានាធិបតីជុំទី១ ទទួលបានសំឡេងនាំមុខគេ ។ លោកបានចោទប្រកាន់ប្រធានាធិបតីថ្មីថាក្លែងបន្លំសន្លឹកឆ្នោត ។ គណៈកម្មាធិការបោះឆ្នោតក៏ទទួលស្គាល់ពីការក្លែងបន្លំយ៉ាងច្រើនដែរ ក្នុងការបោះឆ្នោតប្រធានាធិបតីជុំទី២ ។
ដើម្បីបង្រួបបង្រួមអ្នកទាំង២ ការធ្វើអាជ្ញាកណ្តាលរបស់អាមេរិកនាំទៅដល់ការព្រមព្រៀងបែងចែងអំណាចគ្នា ដោយលោកអាស្ត្រាវហ្គានី ក្លាយជាប្រធានាធិបតី ហើយលោកអាប់ឌុលឡាហ៍ ជាប្រមុខប្រតិបត្តិមានតួនាទីដូចនាយករដ្ឋមន្ត្រី ។
ពេលលោកក្លាយជាប្រធានាធិបតី លោកអាស្ត្រាវហ្គានី ពោលទៅកាន់ពួកបះបោរតាលីបង់ថា ជនរួមជាតិរបស់យើងចង់រស់នៅក្នុងសុខសន្តិភាព ។ យើងមានការនឿយណាយចំពោះសង្គ្រាម ។ យើងស្នើដល់ពួកប្រឆាំងយើងពិសេសពួកតាលីបង់ និងពួក Hezb -E- Islami ជាក្រុមបះបោរមួយទៀតឱ្យយល់ព្រមធ្វើការចរចាគ្នា ។ពួកតាលីបង់បានឆ្លើយតបសំណើនេះរបស់លោក តាមរយៈការវាយប្រហារអត្តឃាតមួយនៅថ្ងៃនោះដែរក្នុងក្រុងកាប៊ុល ៕
ចែករំលែកព័តមាននេះ