តុលាការធម្មនុញ្ញអេស្ប៉ាញកាលពីថ្ងៃទី២៩ កញ្ញា សម្រេចផ្អាកការរៀបចំបោះប្រជាមតិពីឯករាជ្យភាពនៃតំបន់កាតាឡូញដែលគ្រោងធ្វើ នៅថ្ងៃទី៩ វិច្ឆិកា ខាងមុខនេះ ដោយទុកពេលពិនិត្យថាតើការបោះប្រជាមតិនេះរំលោ.ភបំពានលើរដ្ឋធម្មនុញ្ញដែរឬអត់ ។ យោងតាមអ្នកនាំពាក្យរបស់តុលាការធម្មនុញ្ញថា ចៅក្រម១២រូបនៃស្ថាប័នតុលាការនេះ បានអនុម័តការសម្រេចចិត្តនេះ ក្រោយកិច្ចប្រជុំ
តុលាការធម្មនុញ្ញអេស្ប៉ាញកាលពីថ្ងៃទី២៩ កញ្ញា សម្រេចផ្អាកការរៀបចំបោះប្រជាមតិពីឯករាជ្យភាពនៃតំបន់កាតាឡូញដែលគ្រោងធ្វើ នៅថ្ងៃទី៩ វិច្ឆិកា ខាងមុខនេះ ដោយទុកពេលពិនិត្យថាតើការបោះប្រជាមតិនេះរំលោភបំពានលើរដ្ឋធម្មនុញ្ញដែរឬអត់ ។ យោងតាមអ្នកនាំពាក្យរបស់តុលាការធម្មនុញ្ញថា ចៅក្រម១២រូបនៃស្ថាប័នតុលាការនេះ បានអនុម័តការសម្រេចចិត្តនេះ ក្រោយកិច្ចប្រជុំបន្ទាន់រយៈពេល១ម៉ោង ដើម្បីសិក្សាលើការទាមទារនេះរបស់រដ្ឋាភិបាលក្រុងម៉ាឌ្រីដ ។
នាយករដ្ឋមន្ត្រីអភិរក្សនិយមអេស្ប៉ាញ លោក Mariano Rajoy ចាត់ទុកការបោះប្រជាមតិនេះថាខុសច្បាប់ ។ តុលាការធម្មនុញ្ញអាចត្រូវការពេលជាច្រើនខែ រហូតដល់ច្រើនឆ្នាំ មុនធ្វើការប្រកាសពីបញ្ហានេះ ការសម្រេចខាងលើនេះរបស់តុលាការនោះ នាំឱ្យមានការផ្អាកដោយស្វ័យប្រវត្តិការបោះប្រជាមតិដែលបានគ្រោងទុក ។
ប្រធានាធិបតីកាតាឡូញ លោក Artur Mas ជាអ្នកជាតិនិយម គាំទ្រការបោះប្រជាមតិអំពីឯករាជ្យភាព បានចុះហត្ថលេខាកាលពីថ្ងៃទី២៧ កញ្ញា កន្លងមកនេះលើក្រឹត្យមួយដែលគ្រោងធ្វើការបោះប្រជាមតិនាថ្ងៃទី៩ វិច្ឆិកា ។ចំណែកលោកនាយករដ្ឋមន្ត្រី Mariano Rajoy បានបញ្ចេញប្រតិកម្មកាលពីថ្ងៃទី២៩ កញ្ញា ថាគ្មានភាគីណាមួយនៃប្រជាជនអេស្ប៉ាញ មានសិទ្ធិធ្វើការសម្រេចចិត្តបែបនោះ ដែលនាំឱ្យប៉ះពាល់ដល់ប្រទេសទាំងមូលឡើយ ។
លោក Mariano Rajoy ថ្លែងតាមទូរទស្សន៍ បន្ទាប់ពីកិច្ចប្រជុំវិសាមញ្ញមួយរបស់រដ្ឋាភិបាលលោកថា ខ្ញុំមានការសោកស្តាយខ្លាំងណាស់ ចំពោះការសម្រេចរបស់លោក Artur Mas ។ ខ្ញុំសោកស្តាយព្រោះថា ការធ្វើបែបនោះវាផ្ទុយនឹងច្បាប់ និងហួសព្រំដែននៃលទ្ធិប្រជាធិបតេយ្យ បំបែកកាតាឡូញធ្វើឱ្យតំបន់នោះឃ្លាតឆ្ងាយពីអឺរ៉ុប និងផ្នែកឯទៀតៗរបស់អេស្ប៉ាញ ព្រមទាំងបំផ្លាញ ធ្ងន់ធ្ងរដល់សុខុមាលភាពរបស់អេស្ប៉ាញ ៕
ចែករំលែកព័តមាននេះ