រាជធានីភ្នំពេញ ៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានដឹកនាំគណៈប្រតិភូកម្ពុជា អញ្ជើញទៅទស្សនកិច្ចនៅសាធារណរដ្ឋកូរ៉េរយៈពេល៥ថ្ងៃ គឺចាប់ពីថ្ងៃទី២៨ កញ្ញា រហួតដល់ ០៣តុលា។
យោងតាមលិខិតផ្លូវការរបស់លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈផ្ញើជូនលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា លោករដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានទទួលការអនុញ្ញាតដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឱ្យដឹកនាំគណៈប្រតិភូក្រសួងការងារ និងបណ្តុះបណ្តាលវិជ្ជាជីវៈទៅធ្វើទស្សនកិច្ចនៅសាធារណរដ្ឋកូរ៉េ។
តាមរយៈលិខិតដដែលឱ្យដឹងទៀតថា គោលបំណងនៃទស្សនកិច្ចនេះ គឺដើម្បីផ្លាស់ប្តូរបទពិសោធន៏ស្តីពីវិស័យការងារ និងទំនាក់ទំនងវិជ្ជាជីវៈ។
គណៈប្រតិភូដែលចូលរួមក្នុងបេសកកម្មនោះ រួមមានលោក ពេជ សោភ័ន រដ្ឋលេខាធិការ លោកហេង សួរ អគ្គនាយករដ្ឋបាល និងហិរញ្ញវត្ថុ លោកសេង សក្តា អគ្គនាយកការងារ ព្រមជាមួយថ្នាក់ដឹកនាំមួយចំនួនទៀត៕
ចែករំលែកព័តមាននេះ