រាជធានីភ្នំពេញ ៖ ដោយសហការជាមួយវេជ្ជបណិ្ឌតក្នុងស្រុកដើម្បីកាត់បន្ថយការធ្វើដំណើរទៅព្យាបាលនៅបរទេស មន្ទីរពេទ្យភ្នែកឯកជនមួយដែលមានឈ្មោះថា«មន្ទីរពេទ្យភ្នែក ដុកទ័រ គង់ ពិសិដ្ឋ រួមសហការជាមួយដុកទ័រ អេហ្គាវិល (Agarwal)» នឹងបើកបម្រើសេវាកម្មជូនអតិថិជនកម្ពុជា បន្ទាប់ពីពិធីសម្ពោធជាផ្លូវការកាលពីថ្ងៃទី២៨កញ្ញា ២០១៤ ក្រោមអធិបតីភាពលោកឧបនាយករដ្ឋមន្ត្រី យឹម ឆៃលី ។
លោកវេជ្ជបណ្ឌិត គង់ ពិសិដ្ឋ បានមានប្រសាសន៍ថា លោកបានសម្រេចចិត្តសហការជាមួយមន្ទីរពេទ្យភ្នែកដ៏ល្បីឈ្មោះរបស់ឥណ្ឌាដែលមានសាខាប្រចាំប្រទេសឥណ្ឌាចំនួន៥០ និងសាខានៅបរទេសចំនួន១១ ក្រោយពីសិក្សាឃើញថា មន្ទីរពេទ្យភ្នែកមួយនេះមិនត្រឹមតែធំនៅឥណ្ឌានោះទេ ថែមទាំងជាកន្លែងបណ្តុះបណ្តាលនិស្សិតបរទេសមកពីប្រទេសជាច្រើនរួមទាំងអឺរ៉ុបផងដែរ។
លោកបានបន្ថែមថា មន្ទីរពេទ្យថ្មីនេះនឹងប្រើប្រាស់បច្ចេកទេសព្យាបាលដោយឧបករណ៍ទំនើបចុងក្រោយ ( LAZIK) សម្រាប់ព្យាបាលភ្នែកម្យ៉ូប ដែលមានឌឺក្រេក្រោម១០០០ ឲ្យមកនៅកម្រិតសូន្យ៕
ចែករំលែកព័តមាននេះ