ចំពោះអ្នកធ្វើដំណើរបញ្ហាកកស្ទះចរាចរណ៍គឺជារឿងសំខាន់ហើយក៏ពុំមានក្ដីលំបាកណាមួយជាងការជាប់គាំងរថយន្តអស់ពេលជាច្រើនម៉ោងនៅលើដងផ្លូវនោះឡើយ ។ ដូចនេះដើម្បីចៀសវាងជួបហេតុការណ៍នេះដែលរំខានដល់អារម្មណ៏
ស្រស់ស្រាយក្នុងពេលធ្វើដំណើរសូមលើកយកនូវគោលការណ៍មួយចំនួនមកអនុវត្តដូចតទៅ៖
១- ប្រសិនជាអាចបើករថយន្តអែបរកគន្លងផ្លូវផ្សេង ប៉ុន្តែត្រូវអនុវត្តឱ្យបានត្រឹមត្រូវនិងប្រុងប្រយ័ត្នជានិច្ចពីព្រោះនៅលើថ្នល់ជាតិរថយន្តទាំងឡាយតែងប្រើប្រាស់ល្បឿនលឿនដើម្បីជែងពីចំណុចមួយទៅចំណុចមួយ ។
២-ប្រកាន់យកគន្លងផ្លូវដែលអ្នកបើកចូលគឺមិនត្រូវបើករំលោភលើគន្លងផ្លូវរថយន្តដទៃឬទោចក្រយានយន្តឡើយ ។
៣-បើកបរតាមល្បឿនកំណត់ ។ ប្រសិនបើគ្រប់គ្នាបើកបរតាមល្បឿនដែលច្បាប់បានកំណត់និងបញ្ឈប់ការបង្អាក់ពេលវេលានោះបញ្ហាកកស្ទះចរាចរណ៍អាចត្រូវបានកាត់បន្ថយ ។
៤-ត្រូវដឹងពីស្ថានភាពផ្លូវនៅខាងមុខមុនចេញដំណើរ តើវាតែងតែជួបបញ្ហាកកស្ទះជារឿយៗឬយ៉ាងណា ហើយគួរបើកវាងតាមផ្លូវណាមួយទើបពុំខ្ជះខ្ជាយពេលវេលា ។
៥-គោរពភ្លើងនិងគំនូសសញ្ញាចរាចរណ៍ឱ្យបានត្រឹមត្រូវមានពេលខ្លះលោកអ្នកត្រូវគោរពតាមការឱ្យសញ្ញារបស់មន្ត្រីនគរបាលចរាចរណ៍ទើបអាចរំដោះភាពកកស្ទះបានប្រកបដោយប្រសិទ្ធភាព ៕
អីុវ វិចិត្រា
SOKEA 20140928_490_20006
រូប Chetra 20140928 ( )
កែ ១
ឦ
ចែករំលែកព័តមាននេះ