រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋសហការជាមួយម្ចាស់ម៉ូតូឃាត់ខ្លួនប្រគល់ឲ្យនគរបាលប៉ុស្តិ៍រដ្ឋបាលផ្សារថ្មី២ បន្ទាប់ពីជននោះធ្វើសកម្មភាពលួចកាច់សោ.កយកម៉ូតូមួយគ្រឿងដែលម្ចាស់ម៉ូតូចតទុកភ្លេចដកសោចេញ កាលពីវេលាម៉ោង១១និង៣០ នាទីថ្ងៃទី២៥ ខែកញ្ញា ឆ្នាំ២០១៤ ស្ថិតនៅមុខហាង
រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋសហការជាមួយម្ចាស់ម៉ូតូឃាត់ខ្លួនប្រគល់ឲ្យនគរបាលប៉ុស្តិ៍រដ្ឋបាលផ្សារថ្មី២ បន្ទាប់ពីជននោះធ្វើសកម្មភាពលួចកាច់សោ.កយកម៉ូតូមួយគ្រឿងដែលម្ចាស់ម៉ូតូចតទុកភ្លេចដកសោចេញ កាលពីវេលាម៉ោង១១និង៣០ នាទីថ្ងៃទី២៥ ខែកញ្ញា ឆ្នាំ២០១៤ ស្ថិតនៅមុខហាង កាត់សក់ផ្ទះលេខ៤៥ ផ្លូវកម្ពុជាក្រោម សង្កាត់ផ្សារថ្មីទី២ ខណ្ឌដូនពេញ ។
នគរបាលប៉ុស្តិ៍រដ្ឋបាលផ្សារថ្មី២បានឲ្យដឹងថា ជនសង្ស័យឈ្មោះ ឌឹម ថា ភេទប្រុស អាយុ១៧ឆ្នាំ មុខរបរនិងស្នាក់នៅមិនពិតប្រាកដ ។ យោងតាមពាក្យបណ្តឹងរបស់ជនរងគ្រោះឈ្មោះ យ៉ែត សុខគា ភេទស្រី អាយុ៣៧ឆ្នាំ មុខរបរជាងកាត់សក់ ស្នាក់នៅសង្កាត់បឹងទំពុន ខណ្ឌមានជ័យមាន ស្រុកកំណើតភូមិថ្មី ឃុំថ្មី ស្រុកកណ្ដាលស្ទឹង ខេត្តកណ្តាល បានឲ្យដឹងថាមុនពេលកើតហេតុស្រ្តីរងគ្រោះបានចតម៉ូតូម៉ាក ស្គុបពី ពណ៌ឈាមជ្រូក ពាក់ស្លាកលេខភ្នំពេញ ១AP-៩៤៩៩ ដែលចតទុកនៅនឹងមុខហាងកាត់សក់កន្លែងកើតហេតុខាងលើដោយភ្លេចដកសោចេញពីម៉ូតូ ពេលនោះជនសង្ស័យក៏ធ្វើសកម្មភាពលួចយកម៉ូតូនោះក៏ប៉ុន្តែម៉ូតូដេរមិនឆេះ ក៏ត្រូវម្ចាស់ម៉ូតូឃើញទាន់បានស្រែកផ្អើលឆោឡោ ក៏ត្រូវសមត្ថកិច្ចនៅប្រចាំគោលដៅនោះចាប់នាំខ្លួនទៅនគរបាលប៉ុស្តិ៍រដ្ឋបាលផ្សារថ្មីទី២ដើម្បីសាកសួរ ។
បច្ចុប្បន្នជនសង្ស័យត្រូវបានឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌដូនពេញ ។
ចែករំលែកព័តមាននេះ