ខេត្តបាត់ដំបង ៖ អគ្គីភ័យដែលគេសង្ស័យបង្កឡើងដោយសារភ្លើងធួបនិងទៀន បានឆាបឆេះទាំងផ្ទះទាំងទ្រព្យសម្បត្តិអស់គ្មានសល់ កាលពីវេលាម៉ោង១០និង៤០នាទី ព្រឹកថ្ងៃទី២៣ ខែកញ្ញា នៅភូមិសំរោងក្នុង ឃុំសំរោងក្នុង ស្រុកឯកភ្នំ
ខេត្តបាត់ដំបង ៖ អគ្គីភ័យដែលគេសង្ស័យបង្កឡើងដោយសារភ្លើងធួបនិងទៀន បានឆាបឆេះទាំងផ្ទះទាំងទ្រព្យសម្បត្តិអស់គ្មានសល់ កាលពីវេលាម៉ោង១០និង៤០នាទី ព្រឹកថ្ងៃទី២៣ ខែកញ្ញា នៅភូមិសំរោងក្នុង ឃុំសំរោងក្នុង ស្រុកឯកភ្នំ គ្រាដែលដុតសែនដូនតាទុកចោលនៅលើផ្ទះក្នុងថ្ងៃភ្ជុំបិណ្ឌធំ ហើយនាំគ្នាទៅវត្តអស់ តែប្រភពខ្លះថា បណ្ដាលមកពីទុស្សេខ្សែភ្លើង។
លោកគឹម ប៊ុនធឿន នាយការិយាល័យ បង្ការ-ពន្លត់អគ្គីភ័យ បានឲ្យដឹងថា អគ្គីភ័យនេះ កើតឡើងចំថ្ងៃភ្ជុំបិណ្ឌធំ ខណៈពេលម្ចាស់ផ្ទះចេញទៅវត្តអស់ ។ លំនៅឋានដែលត្រូវអគ្គីភ័យឆេះអស់គ្មានសល់នោះ មានទំហំ៩m គុណ ១៣.m ធ្វើអំពីថ្មក្រោមឈើលើប្រក់ក្បឿង ដែលម្ចាស់ផ្ទះឈ្មោះ អ៊ុំ រស្មី ភេទស្រី អាយុ៥៣ឆ្នាំ។ លោកគឹម ប៊ុនធឿន បានស្រង់សំដីស្រ្តីម្ចាស់ផ្ទះដែលបានអះអាងថា អគ្គីភ័យនេះបង្កឡើង ដោយសារការទុស្សេខ្សែភ្លើង ពេលពួកគាត់នាំគ្នាទៅវត្តអស់ តែខ្លះថា បង្កឡើងដោយសារភ្លើងទៀនធួបដែលដុតទុកចោលលើផ្ទះ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព
ចែករំលែកព័តមាននេះ