ខេត្តបន្ទាយមានជ័យ ៖ កម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានចាប់រថយន្តកាមរីឆ្នាំ១៩៩៥ មួយគ្រឿង ដែលពាក់ស្លាកលេខភ្នំពេញ2C-0404 ដែលដឹកឈើ ក្រញូង២០ដុំកាលវេលាម៉ោង១១និង៤៥នាទី ថ្ងៃទី១៩ កញ្ញា ២០១៤ នៅចំណុចស្រុកថ្មពួក ខេត្តបន្ទាយមានជ័យ ។
លោកវរៈសេនីយ៍ទោ ចាបសុផាឫទ្ធិប្រធានការិយាល័យនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានប្រាប់ថា នៅពេលកម្លាំង ជំនាញឃាត់រថយន្តដឹកឈើក្រញ៉ូង២០ដុំគឺរថយន្តបានដឹកចេញដល់ចំណុច ស្រុកស្វាយចេកដែលមានគ្រោះថ្នាក់ចរាចរណ៍មួយបានកើតឡើងបណ្តាលស្ទះហើយឃើញកម្លាំងនគរបាលធ្វើការវាស់វែងបានបើកគេចខ្លួនត្រឡប់ក្រោយវិញ ។
លោកបានបន្តថាក្រោយពេលឃើញត្រឡប់ក្រោយវិញកម្លាំងសង្ស័យរថយន្តបទល្មើសបានឱ្យកម្លាំងនគរបាលស្រុកថ្មពួកឃាត់ធ្វើការឆែកឆេររកឃើញឈើក្រញ៉ូងចំនួន២០ដុំ ហើយត្រូវបានប្រគល់ជូនលកម្លាំងនគបាលជំនាញដើម្បីចាត់ការតាមច្បាប់ ។
ចែករំលែកព័តមាននេះ