ខេត្តបន្ទាយមានជ័យ ៖ សាកសពពលករខ្មែរចំនួន២នាក់ត្រូវបានភាគីថៃបញ្ជូនមកប្រគល់ឲ្យសាច់ញាតិតាមច្រកទ្វារអន្តរជាតិប៉ោយប៉ែតកាលពីវេលាម៉ោងជាង៧យប់ថ្ងៃទី២០ ខែកញ្ញា ឆ្នាំ២០១៤ បន្ទាប់ពីម្នាក់បានស្លា.ប់ដោយធ្លាក់ពីលើអគារនិងម្នាក់ទៀតស្លា.ប់ដោយជម្ងឺហើយពួកគេជាកម្មករសំណង់ជាមួយគ្នាក្នុងខេត្តសាមុទ្រ
ខេត្តបន្ទាយមានជ័យ ៖ សាកសពពលករខ្មែរចំនួន២នាក់ត្រូវបានភាគីថៃបញ្ជូនមកប្រគល់ឲ្យសាច់ញាតិតាមច្រកទ្វារអន្តរជាតិប៉ោយប៉ែតកាលពីវេលាម៉ោងជាង៧យប់ថ្ងៃទី២០ ខែកញ្ញា ឆ្នាំ២០១៤ បន្ទាប់ពីម្នាក់បានស្លាប់ដោយធ្លាក់ពីលើអគារនិងម្នាក់ទៀតស្លាប់ដោយជម្ងឺហើយពួកគេជាកម្មករសំណង់ជាមួយគ្នាក្នុងខេត្តសាមុទ្រប្រាកាន ។
សពរងគ្រោះទាំង២នាក់ ម្នាក់ឈ្មោះ ប៊ុត តយ ភេទប្រុស អាយុ២៧ឆ្នាំ (ធ្លាក់ពីលើអគារ) និងម្នាក់ទៀតឈ្មោះ ប្រេង ភេទប្រុស អាយុ៤៨ឆ្នាំ ដោយអ្នកទាំង២ជាសាច់ញាតិនិងគ្នាព្រមទាំងមានទីលំនៅក្នុងភូមិជាមួយគ្នាគឺភូមិបត់តាកោ ឃុំសំរោង ស្រុកសូត្រនិគម ខេត្តសៀមរាប ។
តាមបុរសឈ្មោះផាន់ វឹត អាយុ៤៤ឆ្នាំ សាច់ញាតិសពទាំង២ប្រាប់កោះសន្តិភាពថាជនរងគ្រោះជាកម្មករសំណង់នៅខេត្តសាមុទ្រប្រាកានហើយ ឈ្មោះ ប៊ុត តយបានស្លាប់ដោយធ្លាក់ពីលើអគារក្នុងពេលធ្វើការសំណង់កាលពីវេលាម៉ោងជាង៥រសៀលថ្ងៃទី១៨ ខែកញ្ញា ២០១៤ ។ ចំណែកឈ្មោះ ប្រេង ត្រូវបុរសដដែលនេះប្រាប់ថាបានធ្លាក់ខ្លួនឈឺអស់មួយរយះមិនបានធ្វើការទេសម្រាកព្យាបាលនៅមន្ទីរពេទ្យលុះមានអាការះធ្ងន់ក៍ធ្វើការវះកាត់ខួក្បាលបណ្ដាលឲ្យស្លាប់តែម្ដងនៅម៉ោងជិត១២ យប់ ថ្ងៃទី១៨ ខែកញ្ញា ។
សពទាំង២ក្រោយពីមន្ត្រីកម្ពុជាប្រចាំប្រទេសថៃសហការជាមួយភាគីថៃជួយបញ្ជូនមកដល់ច្រកទ្វារអន្តរជាតិប៉ោយប៉ែតក្រុមសាច់ញាតិបានជួលរថយន្តចំនួន២គ្រឿងដឹកទៅស្រុកកំណើតដើម្បីធ្វើបុណ្យតាមប្រពៃណី។
ចែករំលែកព័តមាននេះ