រាជធានីភ្នំពេញ ៖ នារសៀលថ្ងៃទី១៩ ខែ កញ្ញា ឆ្នាំ២០១៤ នេះ គណៈអភិបាលខណ្ឌមានជ័យនិងក្រុមប្រឹក្សាខណ្ឌ ព្រមទាំងមន្ត្រីរាជការសាលាខណ្ឌ សង្កាត់ និងប្រជាពុទ្ឋបរិស័ទ ចំណុះជើងវត្តសាម្គីរង្សី អញ្ជើញសូត្រមន្ត និងស្តាប់ធម៌ទេសនា ក្នុងពិធីបុណ្យកាន់បិណ្ឌវេនទី១១ នៅវត្តសាមគ្គីរង្សី ស្ថិតក្នុងភូមិទ្រា២ ក្នុងសង្កាត់
រាជធានីភ្នំពេញ ៖ នារសៀលថ្ងៃទី១៩ ខែ កញ្ញា ឆ្នាំ២០១៤ នេះ គណៈអភិបាលខណ្ឌមានជ័យនិងក្រុមប្រឹក្សាខណ្ឌ ព្រមទាំងមន្ត្រីរាជការសាលាខណ្ឌ សង្កាត់ និងប្រជាពុទ្ឋបរិស័ទ ចំណុះជើងវត្តសាម្គីរង្សី អញ្ជើញសូត្រមន្ត និងស្តាប់ធម៌ទេសនា ក្នុងពិធីបុណ្យកាន់បិណ្ឌវេនទី១១ នៅវត្តសាមគ្គីរង្សី ស្ថិតក្នុងភូមិទ្រា២ ក្នុងសង្កាត់ស្ទឹងមានជ័យ ខណ្ឌមានជ័យ ។
នាឱកាសនោះលោក អភិបាលខណ្ឌមានជ័យ ពេជ្រ កែវមុនី និងប្រធានក្រុមប្រឹក្សាខណ្ឌ បានលើកឡើងថា នៅរសៀលថ្ងៃនេះ និងព្រឹកថ្ងៃទី២១ ខែកញ្ញា ថ្ងៃកាន់បិណ្ឌវេនទី១៣ អាជ្ញាធរខណ្ឌ និងប្រជាជនបានជួបជុំ មាតាបិតា បងប្អូនក្រុមគ្រួសារទាំងអស់ ដើម្បីសម្តែងនូវទឹកកត្តញ្ញូកតវេទី ជូនចំពោះលោក អ្នកដែលមានគុណ ក៏ដូចជាបងប្អូនសាច់សាលោហិត និងប្រជាជនកម្ពុជាទាំងអស់ជាពិសេស ប្រជាជននៅក្នុងខណ្ឌមានជ័យ បានជួបតែសេចក្តីសប្បាយ និងភាពចម្រុងចម្រើន មានសុភមង្គលគ្រប់ៗគ្នា ក្នុងពិធីបុណ្យកាន់បិណ្ឌនេះ ។ នាឱកាសនោះដែរ លោក ពេជ្រ កែវមុនី បានប្រគេនបច្ច័យ និងទេយ្យទាន ដល់ព្រះសង្ឃ រួមមាន អង្ករ ១០បាវ, មី១០កេស, ទឹកសុទ្ឋ១០កេស , ទឹកត្រី១០កេស, ទឹកស៊ីអ៊ីវ ១០កេស, ភេសជ្ជៈ ១០កេស និងថវិកា ២លានរៀល ។
គួរបញ្ជាក់ផងដែរ នេះជាលើកទី៥ហើយដែលលោកអភិបាលខណ្ឌ និងលោកស្រី បានចូលរួមកាន់បិណ្ឌវេន ទី១២ នៅវត្តសាមគ្គីរង្សី បន្ទាប់ពីកាន់បិណ្ឌវេនទី១១ នៅវត្តចង្ក្រានតាព្រហ្មហៅវត្តស្ទឹងមានជ័យ ៕
ចែករំលែកព័តមាននេះ