ខេត្តស្វាយរៀង ៖ មានអំពើឃាតកម្មដ៍សាហា.វឃោឃៅបណ្តាលឱ្យយុវជនម្នាក់ស្លា.ប់បាត់បង់ជីវិតយ៉ាងអាណោចអាធ័មនៅ ក្នុងថ្លុកឈាម មូលហេតុគឺក្រុមជនពាលព្រួតគ្នាចាក់ប្រហារជាច្រើនកាំបិតបណ្តាលឱ្យធ្លាយពោះវៀនចេញមកក្រៅហូរឈាម ក្រហមច្រាលនៅលើដីគួរឱ្យញាក់សាច់
ខេត្តស្វាយរៀង ៖ មានអំពើឃាតកម្មដ៍សាហាវឃោឃៅបណ្តាលឱ្យយុវជនម្នាក់ស្លាប់បាត់បង់ជីវិតយ៉ាងអាណោចអាធ័មនៅ ក្នុងថ្លុកឈាម មូលហេតុគឺក្រុមជនពាលព្រួតគ្នាចាក់ប្រហារជាច្រើនកាំបិតបណ្តាលឱ្យធ្លាយពោះវៀនចេញមកក្រៅហូរឈាម ក្រហមច្រាលនៅលើដីគួរឱ្យញាក់សាច់ ។ ករណីឃាតកម្មនេះបានកើតឡើងកាលពីវេលាម៉ោងប្រមាណជា១១ទៅម៉ោង១២យប់ពាក់កណ្ដាលអាធ្រាត ឈានចូលថ្ងៃទី២០ កញ្ញា ២០១៤ នៅចំណុចខាងមុខបន្ទប់ទឹកសាលាបឋមសិក្សា៧មករា ស្ថិតនៅភូមិឡ សង្កាត់ពោធិតា ហោក្រុងស្វាយរៀង ។
បើតាមសមត្ថកិច្ចសង្កាត់ពោធិតាហោបានប្រាប់ឱ្យដឹងថាជនរងគ្រោះឈ្មោះ ដួង វណ្ណថា ភេទប្រុស អាយុ២៧ឆ្នាំ នៅភូមិកើតហេតុខាងលើ ត្រូវក្រុមជនពាលព្រួតចាក់ប្រហារជាច្រើនកាំបិតធ្លាយពោះវៀនចេញមកក្រៅប្រកាច់ស្លាប់នៅក្នុងថ្លុកឈាម ។ បើតាមស្រ្តីជាម្តាយឈ្មោះ តូច សាណន អាយុ៤៥ឆ្នាំ បានប្រាប់ឱ្យដឹងថា គាត់មានស្វាមី ឈ្មោះ ដួង ដារា ធ្វើជាទាហានតំបន់ ប្រតិបត្តិការសិកស្វាយរៀងបានបង្កើតកូនចំនួន៣នាក់ប្រុសមួយស្រីពីរនាក់ជាចំណងដៃ ហើយស្វាមីគាត់បានពលីជីវិតនៅ លើសមរភូមិក្នុងអំឡុងឆ្នាំ១៩៩៥នៅសមរភូមិប៉ៃលិន ទុកឱ្យរូបគាត់ជាស្រ្តីមេម៉ាយចិញ្ចឹមកូនៗបីនាក់រហូតមក ។
រីឯសមត្ថកិច្ចបន្តទៀតថាមុនពេលកើត ហេតុវេលាម៉ោងប្រមាណ២រសៀលគេឃើញជនរងគ្រោះផឹកស៊ីជាមួយមិត្តភក្រ័្ត បួនប្រាំនាក់នៅផ្ទះខាងកើតវត្តពាធិឧត្តមហៅពោធិតាហោ រហូតដល់យប់លុះម៉ោងប្រមាណ១១ទៅ១២យប់ ក៏មាន ក្រុមក្មេងពាលដេញវាយនិងកាប់ចាក់គ្នាក្នុងបរវេនសាលាបឋមសិក្សា៧មករា ពេលនគបាលសង្កាត់ពោធិតាហោមក អន្តរាគមន៍ពួកជនពាលក៏រត់គេចបាត់អស់ទៅលុះព្រឹកឡើងថ្ងៃទី២០ កញ្ញា ២០១៤វេលាម៉ោង៥និង៣០នាទីព្រឹកក៏មានអ្នកដើរហាត់ប្រាណបានប្រទះឃើញសពជន រងគ្រោះដេកស្លាប់នៅក្នុងថ្លុកឈាមគួឱ្យសង្វេច ។
បន្ទាប់មកក៏ប្តឹងសមត្ថកិច្ចមកពិនិត្យរួចប្រគល់សពទៅ ឲ្យក្រុមគ្រួសារយកទៅធ្វើបុណ្យតាមប្រពៃណីនិងបានស្រាវជ្រាវកោះហៅមនុស្ស៥នាក់ដែលផឹកស៊ីជាមួយគ្នាយកទៅសាកសួរលទ្ធផល់ពុំទាន់ដឹងថាយ៉ាងណានោះទេ សមត្ថកិច្ចកំពុងសាកសួរដើម្បីវែកមុខឃាតករឱ្យខាងតែបាន ។
ចែករំលែកព័តមាននេះ