រាជធានីភ្នំពេញ ៖ កាលពីព្រឹកថ្ងៃទី១៩ កញ្ញានេះ ប្រធានបណ្ឌិតសភាការ៉ាតេដូកម្ពុជា និងជាអនុរដ្ឋលេខាធិការក្រសួងអប់រំ យុវជន និងកីឡា បានធ្វើសិក្ខាសាលារួមគ្នាជាមួយនឹងអ្នកលេងក្បាច់គុនការ៉ាតេដូជើងខ្លាំងប្រចាំប្រទេសជប៉ុន ដើម្បីផ្លាស់ប្ដូរវប្បធម៌ការ៉ាតេដូគ្នាទៅវិញទៅមក ។ សម្រាប់ជំនួបរវាង ថ្នាក់ដឹកនាំក្បាច់
រាជធានីភ្នំពេញ ៖ កាលពីព្រឹកថ្ងៃទី១៩ កញ្ញានេះ ប្រធានបណ្ឌិតសភាការ៉ាតេដូកម្ពុជា និងជាអនុរដ្ឋលេខាធិការក្រសួងអប់រំ យុវជន និងកីឡា បានធ្វើសិក្ខាសាលារួមគ្នាជាមួយនឹងអ្នកលេងក្បាច់គុនការ៉ាតេដូជើងខ្លាំងប្រចាំប្រទេសជប៉ុន ដើម្បីផ្លាស់ប្ដូរវប្បធម៌ការ៉ាតេដូគ្នាទៅវិញទៅមក ។ សម្រាប់ជំនួបរវាង ថ្នាក់ដឹកនាំក្បាច់គុនការ៉ាតេដូ និងសិស្សគុនទាំងសងខាង បានបញ្ចេញស្នៀតរៀងៗខ្លួន ដើម្បីបង្ហាញ និងប្រាប់គ្នាទៅវិញទៅមក ក្នុងគោលបំណងផ្លាស់ប្ដូរបទពិសោធន៍ ស្នៀតថ្មីៗតាំងពីស្នៀតប្រយុទ្ធ ការពារ និងរបៀបផ្ដួលគូប្រកួតរបស់ខ្លួនជាដើម ។
លោក សាមឺឌី ស៊ីវឌ្ឍនា បានមានប្រសាសន៍ ថាភាគីទាំងសងខាង សុទ្ធតែមានវប្បធម៌ចែករំលែកគ្នាទៅវិញទៅមក ដើម្បីស្វែងយល់ពីក្បាច់គុនការ៉ាតេដូឲ្យបានច្បាស់ ដើម្បីពង្រឹងកីឡាការ៉ាតេដូឲ្យកាន់តែមានសក្ដានុពលនៅលើពិភពលោក ។ មិនត្រឹមតែប៉ុណ្ណោះ នៅចុងឆ្នាំ២០១៤នេះ ភាគីជប៉ុន ក៏បានអញ្ជើញលោក សាមឺឌី ស៊ីវឌ្ឍនា ទៅទស្សនកិច្ចនៅប្រទេសជប៉ុន ដើម្បីដកស្រង់បទពិសោធន៍នៃក្បាច់គុនការ៉ាតេដូពីប្រទេសជប៉ុនមកកម្ពុជាវិញផងដែ ។
ដោយឡែកលោក តាំង មិនោ គ្រូបង្វឹកការ៉ាតេដូចជប៉ុន មកពីសមាគមការ៉ាតេដូពិភពលោកជប៉ុន និងជានាយកសាលាវិទ្យាល័យការ៉ាតេដូណាកាសាគីផងនោះ បានថ្លែងឲ្យដឹងថា “ខ្ញុំពិតជាមានមោទនភាពខ្លាំងណាស់ នៅពេលបានមកដល់ទឹកប្រទេសកម្ពុជាជាលើកដំបូង ហើយការដឹកនាំក្រុមយុវសិស្សការ៉ាតេដូ មកចូលរួមសិក្ខាសាលានេះ គឺដើម្បីផ្លាស់ប្ដូរវប្បធម៌ការ៉ាតេដូជាមួយនឹងក្បាច់គុនការ៉ាតេដូកម្ពុជា” និងជាពិសេសដើម្បីរក្សាចំណងមិត្តភាពរបស់ប្រទេសយើងទំាងពីរឱ្យកាន់តែមានភាពប្រសើរឡើង ទំាងវិស័យកាទូត និងកីឡាទៀត ។
ចែករំលែកព័តមាននេះ