ខេត្តត្បូងឃ្មុំ ៖ គ្រោះថ្នាក់ចរាចរណ៍ដ៏រន្ធត់មួយបានកើតឡើង នៅលើកំណាត់ផ្លូវជាតិលេខ៨អា ស្ថិតនៅភូមិអំពិល ឃុំកក់ ស្រុកពញាក្រែក រវាងរថយន្តសាំងយ៉ុងពាក់ស្លាកលេខ 2A-2049 និងម៉ូតូវេវអាល់ហ្វាបណ្តាលឲ្យស្លា.ប់២នាក់ម្តាយ និងកូនតូច អាយុ៣ខែ និងរបួសធ្ងន់ម្នាក់ ។ ហេតុការណ៍នេះកើតឡើងនៅវេលាម៉ោង
ខេត្តត្បូងឃ្មុំ ៖ គ្រោះថ្នាក់ចរាចរណ៍ដ៏រន្ធត់មួយបានកើតឡើង នៅលើកំណាត់ផ្លូវជាតិលេខ៨អា ស្ថិតនៅភូមិអំពិល ឃុំកក់ ស្រុកពញាក្រែក រវាងរថយន្តសាំងយ៉ុងពាក់ស្លាកលេខ 2A-2049 និងម៉ូតូវេវអាល់ហ្វាបណ្តាលឲ្យស្លាប់២នាក់ម្តាយ និងកូនតូច អាយុ៣ខែ និងរបួសធ្ងន់ម្នាក់ ។ ហេតុការណ៍នេះកើតឡើងនៅវេលាម៉ោង១និង៤០នាទី រសៀលថ្ងៃទី ១៩ កញ្ញា ២០១៤ ចំណែកអ្នកបើកបររថយន្តវិញបានរត់គេចខ្លួនបាត់ស្រមោលបន្សល់ទុកតែរថយន្តប៉ុណ្ណោះ ។
លោកវរសេនីយ៍ត្រី អោម មុនីវណ្ណ អធិការនគរបាលស្រុកពញាក្រែក បានប្រាប់ឲ្យដឹងថា អ្នកដែលស្លាប់នៅក្នុងហេតុការណ៍គ្រោះថ្នាក់ចរាចរដ៍រន្ធត់ខាងលើនេះមាន១-ឈ្មោះ យ៉ាន់ ពុំ ភេទស្រី អាយុ៤៨ឆ្នាំ ២-កូនស្រីឈ្មោះ កុយ រស្មី អាយុ៣ខែ ចំណែកប្តីឈ្មោះ កុយ ចាចថុល អាយុ៥០ឆ្នាំ មានទីលំនៅភូមិជីកដី ឃុំអណ្តូងត្របែក ស្រុករមាសហែក ខេត្តស្វាយរៀង រងរបួសធ្ងន់ត្រូវបានបញ្ជូនទៅសង្រ្គោះនៅមន្ទីរពេទ្យបង្អែកស្រុកជាបន្ទាន់ផងដែរ ។
លោកវរសេនីយ៍ត្រី សូ សរ៉ាត់ នាយការិយាល័យចរាចរណ៍ផ្លូវគោកខេត្តត្បូងឃ្មុំវិញ ប្រាប់បន្តថាបុរសអ្នកជិះម៉ូតូវេវឌុបប្រពន្ធនិងកូនតូចនោះ មិនបានពាក់មួកសុវត្ថិភាពនោះទេ ដោយជិះតាមផ្លូវជាតិលេខ៨ខណៈពេលមកដល់ត្រង់ភូមិឃុំកើតហេតុខាងលើ ស្រាប់តែជ្រុះមួកក្រណាត់គ្រានោះ បានឈប់ម៉ូតូបានតែបន្តិច ត្រូវរថយន្តសាំងយ៉ុងដឹកអ្នកដំណើរបើកមកពីក្រោយ ពេញទំហឹងផ្លោងជាច្រើនម៉ែត្រ ក្នុងទិសដៅស្របគ្នាពីលិចមកកើត បណ្តាឲ្យស្លាប់ម្តាយនិងកូនតូចភ្លាមៗ ចំណែកប្តីវិញរងរបួសធ្ងន់ត្រូវបានសមត្ថកិច្ចបញ្ជូនទៅសង្រ្គោះ នៅមន្ទីរពេទ្យបង្អែកស្រុកពញាក្រែក ។ ចំពោះសពទាំង២នាក់ត្រូវបានរូបលោកផ្តល់ដំណឹងទៅក្រុមសាច់ញាតិ នៅខេត្តស្វាយរៀង មកឲ្យទទួលយកសពទៅធ្វើបុណ្យតាមប្រពៃណីផងដែរ ។ វត្ថុតាងម៉ូតូនិងរថយន្តត្រូវបាននាំមករក្សាទុកនៅ អធិការដ្ឋាននគរបាលស្រុកពញាក្រែកដើម្បីដោះស្រាយតាមច្បាប់។
ចែករំលែកព័តមាននេះ