រាជធានីភ្នំពេញ ៖ ដើម្បីអបអរដល់ពិធីបុណ្យកាន់បិណ្ឌ និងភ្ជុំបិណ្ឌដែលនឹងចូលមកដល់នេះ ស្ថានីយទូរទស្សន៍អាស៊ីអាគ្នេយ៍ (SEA TV) បានសម្រាំងកីឡាករថៃ និងកម្ពុជាចំនួន៦រូបឱ្យឡើងប៉ះគ្នានៅព្រឹកថ្ងៃអាទិត្យ ទី២១ កញ្ញានេះ ។ នេះជាការប្រកួតអន្តរជាតិលើកទី២ ក្នុងកម្មវិធី Ganzburge Top Fighters ដែល២សប្ដាហ៍ជាការប្រកួតក្នុងស្រុក និង២សប្តាហ៍ជាការប្រកួតជាមួយបរទេសនោះ ។
រាជធានីភ្នំពេញ ៖ ដើម្បីអបអរដល់ពិធីបុណ្យកាន់បិណ្ឌ និងភ្ជុំបិណ្ឌដែលនឹងចូលមកដល់នេះ ស្ថានីយទូរទស្សន៍អាស៊ីអាគ្នេយ៍ (SEA TV) បានសម្រាំងកីឡាករថៃ និងកម្ពុជាចំនួន៦រូបឱ្យឡើងប៉ះគ្នានៅព្រឹកថ្ងៃអាទិត្យ ទី២១ កញ្ញានេះ ។ នេះជាការប្រកួតអន្តរជាតិលើកទី២ ក្នុងកម្មវិធី Ganzburge Top Fighters ដែល២សប្ដាហ៍ជាការប្រកួតក្នុងស្រុក និង២សប្តាហ៍ជាការប្រកួតជាមួយបរទេសនោះ ។
កីឡាករកម្ពុជាសម្រាប់វេទិកានេះរួមមាន ជើងខ្លាំង ឡុង សុវណ្ណឌឿន មកពីក្លិបសាលវ័ន្តកីឡា, កីឡាករពេជ្រ សីហា មកពីសមាគមកីឡាប្រដាល់ក្រសួងការពារជាតិ និងកីឡាករផល សោភ័ណ្ឌ មកពីក្លិបតាឡីដំរីមានរិទ្ធ ។ ជើងខ្លាំងកម្ពុជាទាំង៣ នឹងចេញមុខតទល់ជាមួយជើងខ្លាំងមកពីប្រទេសថៃ ដែលអ្នកខ្លះក៏ធ្លាប់បង្ហាញមុខរួចមកហើយនៅលើសង្វៀនប្រទេសកម្ពុជា និងខ្លះទៀតគឺទើបតែស្គាល់ដីកម្ពុជាពេលនេះបុ៉ណ្ណោះ ។ កីឡាករឡុង សុវណ្ណឌឿន ប្រកួតជាមួយកីឡាករថៃ Pich chhay Den ក្នុងប្រភេទទម្ងន់៦៩គីឡូក្រាម។ អ្នកប្រដាល់ថៃរូបនេះ មិនធ្លាប់មកប្រកួតនៅលើសង្វៀនស្រុកខ្មែរទេពីមុនមក ប៉ុន្តែលោកធ្លាប់ប្រកួត៦៥ដង ឈ្នះ៤០ដង ចាញ់២០ដង និងស្មើ៥ដង ដែលមើលទៅក៏មិនងាយឱ្យជើងខ្លាំងរបស់កម្ពុជាកាច់បំបាក់ដោយស្រួលនោះដែរ។ សម្រាប់ឡុង សុវណ្ណឌឿន លោកទើបតែមានប្រវត្តិប្រកួតបាន៣០ដងប៉ុណ្ណោះ ឈ្នះ២៥ដង ចាញ់៣ដង និងស្មើ២ដង ។
កីឡាករផល សោភ័ណ្ឌ ប្រកួតជាមួយកីឡាករថៃ Toun PE ក្នុងប្រភេទទម្ងន់៦៥គីឡូក្រាម ។ នេះជាលើកទី៦ហើយ ដែលផល សោភ័ណ្ឌ មានឱកាសឡើងប្រកួតលើរេញអន្តរជាតិ ខណៈដែល២លើកដែលប៉ះជាមួយថៃ លោកបានផ្ដួលឱ្យគូបដិបក្ខទាំងនោះសន្លប់ក្នុងទឹកទី៣ និងទឹកទី១ យ៉ាងជោគជ័យ ។ លោកក៏ធ្លាប់ផ្ដួលកីឡាករអៀរឡង់ អុីតាលី និងចិនកន្លងមកគួរឱ្យស្ងើចសរសើរផងដែរ ដោយភាគច្រើនជើងខ្លាំងមកពីបរទេសទាំងនោះ ប្រកួតជាមួយលោកមិនដល់ទឹកទី៤ នោះទេ ។ អ្នកប្រដាល់ថៃរូបនេះ មិនធ្លាប់ដែលមកប្រកួតនៅស្រុកខ្មែរទេ។ កីឡាករ Toun PE ធ្លាប់ប្រកួតបាន៥០ដង ឈ្នះ៣៥ដង ចាញ់១២ដង និងស្មើ៣ដង ។ សម្រាប់ផល សោភ័ណ្ឌ វិញធ្លាប់ប្រកួតបាន៧០ដង ឈ្នះ ៦០ដង ចាញ់១០ដង និងមិនដែលស្មើ ។
មួយគូបរទេសចុងក្រោយ កីឡាករពេជ្រ សីហា ប្រកួតជាមួយកីឡាករថៃ Rong Ravy ក្នុងប្រភេទទម្ងន់៦៧គីឡូក្រាម ។ Rong Ravy ធ្លាប់ប្រកួត៧២ដង ឈ្នះ៥០ដង ចាញ់២០ដង ស្មើ២ដង និងមិនធ្លាប់បង្ហាញខ្លួននៅក្នុងប្រទេសកម្ពុជានោះទេ ។ ការឡើងប្រកួតរបស់លោក ត្រូវមហាជនមើលឃើញថា ចាញ់ប្រៀបបន្តិច ដោយសារតែពេជ្រ សីហា មានប្រវត្តិប្រកួតដល់៩០ដង ឈ្នះ៧៦ដង ចាញ់១២ដង និងស្មើ២ដង ។ ពេជ្រ សីហា ធ្លាប់វាយឈ្នះថៃ១០លើក ចាញ់៤លើក និងស្មើ២លើក ក្នុងពេលដែលការប្រកួតលើកចុងក្រោយរបស់លោក គឺបានបំបាក់កីឡាករ Tavaraj ឱ្យបោះបង់ការប្រកួតក្នុងទឹកទី៣ ។ ទោះបីយ៉ាងណា តួលេខប្រកួតច្រើនជាង និងប្រវត្តិធ្លាប់ឈ្នះកន្លងមក មិនប្រាកដថា អាចបំបាក់កីឡាករថៃដែលទើបបង្ហាញវត្តមាននៅព្រឹកស្អែកនេះបានទេ ក្នុងពេលដែលស្ថានភាពប្រកួតជាក់ស្ដែងរបស់ Rong Ravy នៅមិនទាន់ស្ដែងឡើងបែបនេះ ។
លោកញៀន សុធី មន្ត្រីទូរទស្សន៍អាស៊ីអាគ្នេយ៍ និងជាអ្នករៀបចំការប្រកួត បានអះអាងថា កីឡាករទាំង៦ សុទ្ធតែបានសម្រិតសម្រាំងចេញពីអ្នកខ្លាំងនៅក្នុងសង្វៀនប្រដាល់ទាំងអស់ដើម្បីឱ្យការប្រកួតក្នុងរដូវបុណ្យភ្ជុំ មានភាពរញ្ជួយ និងប្លែកភ្នែក ។ លោកហ៊ានអះអាងថា កីឡាករខ្មែរ និងបរទេស ពិតជាធ្វើឱ្យកក្រើកសង្វៀន ដោយសារសំអាងថា ភាគីថៃ ដែលខាងសហព័ន្ធថៃយកមក គឺច្រើនតែខ្លាំងក្នុងពេលឡើងរេញជាក់ស្ដែង ៕
ចែករំលែកព័តមាននេះ