រាជធានីភ្នំពេញ៖ Hennessy X.O ជាប្រភេទស្រាកូញាក់លេខ១ នៅលើពិភពលោក មានបទពិសោធន៍ថ្មីៗជាមួយនឹងការពិសាអាហារពេលល្ងាចនេះ។ នារសៀលថ្ងៃទី១៨ កញ្ញា នេះ នៅសណ្ឋាគារ រ៉ាហ្វ៊លឡឺរ៉ូយ៉ាល់ ក្រុមហ៊ុនផលិតស្រា Hennessy X.O បានរៀបចំកម្មវិធីពិសាអាហារពេលល្ងាចជាមួយមុខម្ហូបប្រចាំសណ្ឋាគាររ៉ាហ្វ៊លឡឺរ៉ូយ៉ាល់ ដើម្បីចែករំលែកបទពិសោធន៍ថ្មីៗជួនភ្ញៀវកិត្តិយសឲ្យស្វែងយល់ពីរសជាតិ និងគុណភាព ហើយក្នុងពិធីនេះ មានការចូលរួមជាកិត្តិយសពីលោក Jean Michel ជាឯកអគ្គរាជទូតតំណាងស្រា Hennessyលើពិភពលោក។
លោក Nick Lee អគ្គនាយកក្រុមហ៊ុន Moet Hennessy ប្រចាំកម្ពុជា បានឲ្យដឹងថា «ពិធីពិសាអាហារពេលល្ងាចជាមួយនិងស្រា Hennessy X.O ពេលនេះ មិនត្រឹមតែជាការភ្លក្សនៅរសជាតិអាហាររួមផ្សំជាមួយស្រាប៉ុណ្ណោះទេ ប៉ុន្តែវាគឺជាបទពិសោធន៍ល្អមួយដែលមិនអាចបំភ្លេចបាន»។
លោក Jean Michel មានប្រសាសន៍ថា «ស្រា Hennessy X.O បង្កើតឡើងតាំងពីឆ្នាំ១៨៧០ ដែលជាប្រភេទស្រាកូញាក់ថ្មីមួយដែលមានរសជាតិខ្លាំងសម្បូបែប និងឋិតថេរ។ Hennessy X.O មានលក្ខណៈប្លែកគេផ្សំឡើងពីពណ៌ជ័រឈើ រក្សាទុកអស់រយៈពេលជាច្រើនឆ្នាំនៅក្នុងធុងត្រាំ និងបានជ្រើសរើសយ៉ាងសម្រិតសម្រាំង ដោយធ្វើការរួមផ្សំជាច្រើនរសជាតិចម្រុះរួមបញ្ចូលជាមួយនឹង Eaux De Vie ប្រមាណ១០០មុខ ទើបធ្វើឲ្យស្រា Hennessy X.O បញ្ចេញនៅរសជាតិយឺតៗ ឈ្ងុយឆ្ងាញ់ និងហឹរដូចជាម្ទេស ម្រេខ្មៅដែរ»។
លោកលើកឡើងថា « Hennessy X.O មានវត្តមាននៅក្នុងប្រទេសជាង១៤០លើពិភពលោក ហើយក្នុងនោះប្រទេសដែលមានការពេញនិយមពិសាជាងច្រើនជាងគេ គឺប្រទេសឥណ្ឌា ។ ចំណែកតម្លៃរបស់វាមានចាប់ពី៥២ដុល្លាររហូតដល់៦.០០០ដុល្លារ ក្នុងមួយដប ទៅតាមប្រភេទម៉ាក និងរសជាតិ»។ លោកបញ្ជាក់ថា «ស្រា Hennessy X.O បើយើងពិសាជាមួយមុខម្ហូបផ្សំជាមួយម្រេចរបស់ខេត្តកំពត រឹតតែបង្កើនរសជាតិកាន់តែឆ្ងាញ់»៕
ចែករំលែកព័តមាននេះ