ក្រុមប្រឹក្សាសន្តិសុខ អ.ស.ប បានអនុម័តកាលពីថ្ងៃទី១៨ កញ្ញា លើដំណោះស្រាយមួយដើម្បីប្រមូលកម្លាំងប្រឆាំងការឆ្លងរាលដាលយ៉ាងខ្លាំងនៃវីរុសអេបូឡា នៅអាហ្វ្រិកខាងលិចដោយចាត់ទុកវីរុសនោះថា ជាការគំរាមកំហែងដល់សន្តិភាព និងសន្តិសុខអន្តរជាតិ ។
នេះជាលើកដំបូងបង្អស់ហើយ ដែលក្រុមប្រឹក្សាសន្តិសុខ អ.ស.ប ចេញប្រកាសអាសន្នសុខាភិបាលមួយ ហើយជារឿងដ៏កម្រមួយ
ក្រុមប្រឹក្សាសន្តិសុខ អ.ស.ប បានអនុម័តកាលពីថ្ងៃទី១៨ កញ្ញា លើដំណោះស្រាយមួយដើម្បីប្រមូលកម្លាំងប្រឆាំងការឆ្លងរាលដាលយ៉ាងខ្លាំងនៃវីរុសអេបូឡា នៅអាហ្វ្រិកខាងលិចដោយចាត់ទុកវីរុសនោះថា ជាការគំរាមកំហែងដល់សន្តិភាព និងសន្តិសុខអន្តរជាតិ ។
នេះជាលើកដំបូងបង្អស់ហើយ ដែលក្រុមប្រឹក្សាសន្តិសុខ អ.ស.ប ចេញប្រកាសអាសន្នសុខាភិបាលមួយ ហើយជារឿងដ៏កម្រមួយក្នុងចំណោមរឿងដ៏កម្រទាំងឡាយក្នុងប្រវត្តិសាស្ត្រដែលក្រុមប្រឹក្សានេះប្រកាសពីវិបត្តិសុខាភិបាលសាធារណនោះ ។
ក្រុមប្រឹក្សាសន្តិសុខ កាលពីមុន ធ្លាប់ធ្វើបែបនេះ២លើក ដោយអនុម័តលើដំណោះស្រាយស្តីពីជំងឺអេដស៍ កាលពីឆ្នាំ២០០០ និងកាលពីឆ្នាំ២០១១ ។ ក្នុងដំណោះស្រាយលើកនេះ ក្រុមប្រឹក្សាសន្តិសុខសម្រេចថា កាលឆ្លងរាលដាលយ៉ាងខ្លាំងពុំធ្លាប់មានពីមុនមកនៃវីរុសអេបូឡានៅអាហ្វ្រិក តំណាងឱ្យការគំរាមកំហែងមួយដល់សន្តិភាព និងសន្តិសុខអន្តរជាតិ ។ ក្រុមប្រឹក្សានេះអំពាវនាវដល់បណ្តារដ្ឋជាសមាជិកឱ្យជួយផ្តល់ជំនួយបន្ទាន់ដល់បណ្តាប្រទេសដែលរងការប៉ះពាល់ដោយជំងឺនោះ ពិសេសជួយដល់ប្រទេសហ្គីណេសេរា៉ឡេអូន និងលីបេរីយ៉ា ដូចជាជួយបង្កើតមន្ទីរពេទ្យនៅតាមជនបទ ជួយផ្តល់គ្រូពេទ្យ និងបុគ្គលិកសុខាភិបាលជួយខាងភស្តុភារ ព្រមទាំងការដឹកជញ្ជូនតាមអាកាស ។
ដំណោះស្រាយនេះក៏ស្នើផងដែរ ឱ្យលុបចោលការរិតត្បិតនានាដល់ការធ្វើដំណើរដែលបានដាក់ក្រោយវីរុសអេបូឡារាតត្បាតខ្លាំង ព្រមទាំងស្នើបណ្តាក្រុមហ៊ុនអាកាសចរណ៍ និងក្រុមហ៊ុនដឹកជញ្ជូនតាមសមុទ្ររក្សាការហោះហើរ និងការចេញចូលជាមួយបណ្តាប្រទេសរងការប៉ះពាល់ ។
ដំណោះស្រាយគូសបញ្ចាក់ថា ការរិតត្បិត ការចេញចូលបានត្រឹមតែធ្វើឱ្យប្រទេសរងការប៉ះពាល់ទាំងឡាយកាន់តែនៅឯកោថែមទៀត នាំឱ្យស្ទះដល់ការខិតខំប្រឹងប្រែង ឆ្លើយតបចំពោះការឆ្លងរាលដាលនៃវីរុស ។អគ្គលេខាធិការ អ.ស.ប លោកបានគីមូនប្រកាសទៅមុខក្រុមប្រឹក្សាសន្តិសុខ អ.ស.ប ពីការបង្កើតនៅអាហ្វ្រិកខាងលិច នូវបេសកកម្មមួយទទួលបន្ទុកសម្របសម្រួលការឆ្លើយតបចំពោះការរាតត្បាតនៃជំងឺអេបូឡា ៕
ចែករំលែកព័តមាននេះ