ខេត្តបាត់ដំបង ៖ យ៉ាងហោចណាស់មនុស្ស៤នាក់ បានរងរបួសធ្ងន់និងស្រាល នៅក្នុងឧប្បត្តិហេតុគ្រោះថ្នាក់ចរាចរណ៏មួយរវាងម៉ូតូនិងម៉ូតូ កាលពីវេលាម៉ោង៩និង១០នាទីយប់ថ្ងៃទី១៨ កញ្ញា លើផ្លូវលេខ៣ត្រង់ចំនុចផ្លូវបែកជាបួន ក្នុងភូមិ២០ឧសភា សង្កាត់ស្វាយប៉ោ ក្រុងបាត់ដំបង ដែលគេសង្ស័យថា ភាគីទាំង២ទំនងស្ថិតក្នុងស្ថានភាពស្រវឹងដូចគ្នា។
ខេត្តបាត់ដំបង ៖ យ៉ាងហោចណាស់មនុស្ស៤នាក់ បានរងរបួសធ្ងន់និងស្រាល នៅក្នុងឧប្បត្តិហេតុគ្រោះថ្នាក់ចរាចរណ៏មួយរវាងម៉ូតូនិងម៉ូតូ កាលពីវេលាម៉ោង៩និង១០នាទីយប់ថ្ងៃទី១៨ កញ្ញា លើផ្លូវលេខ៣ត្រង់ចំនុចផ្លូវបែកជាបួន ក្នុងភូមិ២០ឧសភា សង្កាត់ស្វាយប៉ោ ក្រុងបាត់ដំបង ដែលគេសង្ស័យថា ភាគីទាំង២ទំនងស្ថិតក្នុងស្ថានភាពស្រវឹងដូចគ្នា។
ករណីគ្រោះថ្នាក់ចរាចរណ៏នោះត្រូវសាក្សីនិយាយថា បានកើតឡើង ក្នុងគ្រាដែលអ្នកជិះម៉ូតូទាំង២ភាគី ធ្វើដំណើរកាត់ទទឹងផ្លូវគ្នា លុះដល់ចំណុចផ្លូវបែកជាបួនក៏បុកគ្នាទាំងកំរោលតែម្ដង។ សាក្សីបានប្រាប់ថា ភ្លាមៗនោះគេឃើញមានមនុស្ស៤នាក់បានរងរបួស តែមានក្មេងប្រុសម្នាក់ទំនងជារបួសធ្ងន់ជាងគេ ហើយត្រូវគេជួយបញ្ជូនទៅកាន់មន្ទីរពេទ្យភ្លាមៗដែរ។ ប្រភពដដែលថា មិនមានអ្នកស្គាល់អត្តសញ្ញាណក្រុមអ្នកគ្រោះថ្នាក់នោះទេ តែក្នុងចំណោមទាំង៤នាក់ មាន៣នាក់នាក់ជិះម៉ូតូម៉ាកវីវ៉ាពណ៌ខ្មៅ ពាក់ស្លាកលេខបាត់ដំបង1E-8325 ជិះឌុបគ្នាមកពីទិសខាងកើតទៅលិច រីឯយុវជនម្នាក់ទៀតជិះម៉ូតូម៉ាកស្មាស់ពណ៌ខ្មៅ ពាក់ស្លាកលេខសៀមរាប 1H-3547 ដោយជិះយ៉ាងលឿនពីទិសខាងត្បូងទៅជើង លុះដល់ចំណុចខាងលើក៏បុកជាមួយអ្នកជិះម៉ូតូវីវ៉ាពេញទំហឹងពេលកំពុងជិះឆ្លងផ្លូវ បណ្ដាលឲ្យដួចរបួសពេញផ្លូវ។ មន្ត្រីចរាចរខេត្តបានឲ្យដឹងថា ក្មេងប្រុសម្នាក់ក្នុងចំណោម៣នាក់ដែលជិះម៉ូតូវីវ៉ាទំនងជារបួសធ្ងន់ជាងគេ ហើយត្រូវបានអ្នកស្រុកជួយបញ្ជូនទៅកាន់មន្ទីរពេទ្យឯកជនភ្លាមៗដែរ រីឯជនរងគ្រោះប៉ុន្មាននាក់ត្រូវសមត្ថកិច្ចបញ្ជូនទៅមន្ទីរពេទ្យជាបន្តបន្ទាប់។
មន្ត្រីដដែលថា ភាគីទាំង២ទំនងទើបចេញពីកន្លែងផឹកស៊ី ព្រោះមានធំក្លិនមិនសូវល្អ ថែមទាំងជិះម៉ូតូគ្មានការប្រុងប្រយ័ត្នពេលដល់ផ្លូវបំបែក ទើបជួបគ្រោះថ្នាក់បែបនេះ។ គេនៅមិនទាន់ស្គាល់អត្តសញ្ញាក្រុមអ្នកបង្កគ្រោះថ្នាក់ទាំង២ភាគីនៅឡើយទេ ប៉ុន្តែសមត្ថកិច្ចបាននាំយកម៉ូតូទាំង២គ្រឿងទៅរក្សាទុកនៅការិយាល័យចរាចរណ៏ខេត្តហើយ ដើម្បីរង់ចាំភាគីទាំង២ចូលទៅដោះស្រាយតាមផ្លូវច្បាប់៕
ចែករំលែកព័តមាននេះ