យោងតាម Juniper Research ជាក្រុមហ៊ុនស្រាវជ្រាវ និងវិភាគពីទីផ្សាទូរស័ព្ទស្មាតហ្វូនចេញផ្សាយកាលពីពេលថ្មីៗនេះឱ្យដឹងថា ការនាំចេញស្មាតហ្វូនទៅកាន់ពិភពលោកមានចំនួន១,២ពាន់លានគ្រឿងក្នុងឆ្នាំ ២០១៤ ។ តាមរយៈតួរលេខនេះបង្ហាញពីការកើនឡើងប្រមាណជា១៩ភាគរយប្រៀបធៀបកាលពីឆ្នាំ ២០១៣ ។
យោងតាម Juniper Research ជាក្រុមហ៊ុនស្រាវជ្រាវ និងវិភាគពីទីផ្សាទូរស័ព្ទស្មាតហ្វូនចេញផ្សាយកាលពីពេលថ្មីៗនេះឱ្យដឹងថា ការនាំចេញស្មាតហ្វូនទៅកាន់ពិភពលោកមានចំនួន១,២ពាន់លានគ្រឿងក្នុងឆ្នាំ ២០១៤ ។ តាមរយៈតួរលេខនេះបង្ហាញពីការកើនឡើងប្រមាណជា១៩ភាគរយប្រៀបធៀបកាលពីឆ្នាំ ២០១៣ ។
ការកើនឡើងត្រូវបានអ្នកវិភាគបច្ចេកវិទ្យាលើកឡើងថា កត្តាជំរុញឱ្យការប្រើប្រាស់ស្មាតហ្វូនមានសន្ទុះកើនឡើងបែបនេះដោយសារតែបណ្តាក្រុមហ៊ុនបច្ចេកវិទ្យាធំៗលើសាកលលោកបង្កើតស្មាតហ្វូនជាទ្រង់ទ្រាយធំដើម្បីប្រកួតប្រជែងក្នុងទីផ្សាបច្ចេកវិទ្យា ។ ទន្ទឹមគ្នានេះដែរ កម្មវិធីដែលទទួលបានការពេញនិយមជាងគេសម្រាប់ស្មាតហ្វូនគឺប្រព័ន្ធ Android, iOS, Window Phone និងប្រព័ន្ធ Tizen ។
របាយកាណ៍របស់ក្រុមហ៊ុន Juniper Research ឱ្យដឹងទៀតថា ក្រុមហ៊ុនដែលគ្រប់គ្រងលើទីផ្សាស្មាតហ្វូនលើពិភពលោក គឺក្រុមហ៊ុន Apple និងក្រុមហ៊ុន Samsung មានចំនួន ៤៥ ភាគរយ ។ ក្រៅពីនេះក្រុមហ៊ុនទាំងពីរជាដៃគូប្រកួតប្រជែងដ៏រឹងមាំផងដែរ ។ កាលពីពេលថ្មីៗនេះក្រុមហ៊ុន Apple បានសម្ញែង iPhone 6 ទាំងពីរស៊េរីលើទីផ្សារ ដោយរចនាកញ្ចក់អេក្រង់ធំទូលាយ និងគែមខាងក្រៅមានលក្ខណៈមូលជាការរចនាដ៏ថ្មីសន្លាង ។ ក្រុមហ៊ុន Apple អះអាងថា ខ្លួននឹងអាចរក្សាចំណាត់ថ្នាក់ទី១ ក្នុងនាមជាក្រុមហ៊ុនដែលឈានមុខគេផ្នែកបច្ចេកវិទ្យានៅលើសកលលោក បន្ទាប់ពីបង្ហាញស្មាតហ្វូនស៊េរីក្រោយនេះ ៕
ចែករំលែកព័តមាននេះ