រាជធានីភ្នំពេញ ៖ បុរស៤នាក់ជិះម៉ូតូវីវ៉ាមួយគ្រឿងទៅបុកចំរថយន្តសាំយ៉ុង ដែលបត់ឆ្លងកាត់ពីមុខម៉ូតូដោយមិនបត់ស៊ីញ៉ូ បណ្តាលឱ្យម៉ូតូវីវ៉ា រេចង្កូតទៅប៉ះជាមួយម៉ូតូស្គុបពី មួយគ្រឿងទៀត ដួលទាំងសងខាង រងរបួសស្រាល ៣នាក់ និងម្នាក់ទៀតសន្លប់រយៈពេលកន្លះម៉ោងទើបដឹងខ្លួនឡើងវិញ ចំណែកម៉ូតូវីវ៉ា ខូចខាតយ៉ាង
រាជធានីភ្នំពេញ ៖ បុរស៤នាក់ជិះម៉ូតូវីវ៉ាមួយគ្រឿងទៅបុកចំរថយន្តសាំយ៉ុង ដែលបត់ឆ្លងកាត់ពីមុខម៉ូតូដោយមិនស៊ីញ៉ូ បណ្តាលឱ្យម៉ូតូវីវ៉ា រេចង្កូតទៅប៉ះជាមួយម៉ូតូស្គុបពី មួយគ្រឿងទៀត ដួលទាំងសងខាង រងរបួសស្រាល ៣នាក់ និងម្នាក់ទៀតសន្លប់រយៈពេលកន្លះម៉ោងទើបដឹងខ្លួនឡើងវិញ ចំណែកម៉ូតូវីវ៉ា ខូចខាតយ៉ាងដំណំ ។ ហេតុការណ៍នេះកើតឡើងកាលពីវេលាម៉ោង ២ និង២០នាទី រំលងអាធ្រាត្រ ថ្ងៃទី ១៩ កញ្ញា ២០១៤ នៅចំណុចមុខក្លឹប ហេបភីក្លឹប តាមបណ្តោយផ្លូវជាតិលេខ២ ស្ថិតនៅក្នុងសង្កាត់ចាក់អង្រែក្រោម ខណ្ឌមានជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញម៉ូតូវីវ៉ា មួយគ្រឿង ពណ៌ខ្មៅ ពាក់ស្លាកលេខ ង.៧៩៤៧ច១ ជិះដោយបុរស៤នាក់ ចេញពីក្នុងពិធីជប់លៀងនៅផ្ទះបងប្អូននៅម្តុំស្ពានអាកាសក្បាលថ្នល់ ហើយបានធ្វើដំណើរត្រឡប់មកផ្ទះវិញតាមផ្លូវជាតិលេខ២ ខណៈមកដល់ចំណុចកើតហេតុក៏មានរថយន្តសាំយ៉ុង បើកកាត់ពីមុខ អត់មានស៊ីញ៉ូ នោះទេ ពេលនោះម៉ូតូវីវ៉ា ក៏បានជិះទៅបុកណពីក្រោយ បណ្តាលឱ្យរេចង្កូតម៉ូតូទៅ ប៉ះជាមួយនឹងម៉ូតូស្គុបពី មួយគ្រឿងទៀត ដួលសន្លប់ម្នាក់ និងរបួសស្រាល៣នាក់ ។
ក្រោយពេលកើតហេតុរថយន្តសាំយ៉ុងបានបើកគេចបាត់ទៅ ចំណែកម៉ូតូស្គុបពី ក៏លើកម៉ូតូបើកទៅមុខបន្តទៀត ហើយអ្នកជិះម៉ូតូវីវ៉ា ម្នាក់បានងើបពីសន្លប់វិញ ពេលនោះសមត្ថកិច្ចក៏បានប្រាប់ឱ្យនាំគ្នាត្រឡប់ទៅផ្ទះវិញ ។
ចែករំលែកព័តមាននេះ