ខេត្ដពោធិ៍សាត់ ៖ កាលពីថ្ងៃទី៣០ មិថុនា ប៉ូលិសស្រុកក្រគរបានឃាត់ខ្លួនបុរស ម្នាក់តាមពាក្យបណ្ដឹងរបស់ស្ដ្រី២នាក់ជា ម្ដាយក្មេងស្រីរងគ្រោះដោយចោទប្រកាន់ពីបទបៀតបៀនកេរ្ដិ៍ខ្មាសកូនស្រីរបស់ពួកគាត់។បុរសនោះឈ្មោះឆាំ ប៊ុនធឿន អាយុ២៥ ឆ្នាំ ឯក្មេងស្រីរងគ្រោះ មាន៣នាក់ ជាបងប្អូន បង្កើត និងបងប្អូនជីដូនមួយគឺទី១មានអាយុ ១១ឆ្នាំ ទី២អាយុ៩ឆ្នាំ និងទី៣អាយុ៩ឆ្នាំ រស់ នៅឃុំឈើតុំ ស្រុកក្រគរ ខេត្ដពោធិ៍សាត់ ជាមួយជនសង្ស័យ ។ ស្ដ្រីទាំងពីរនាក់ជា ម្ដាយក្មេងស្រីរងគ្រោះរៀបរាប់ដំណើររឿង ថា កាលពីថ្ងៃទី២៨ មិថុនា ២០១០ វេលា ម៉ោង១រសៀលឈ្មោះ ឆាំ ប៊ុនធឿន ដែល រស់នៅក្នុងស្រុកភូមិជាមួយគ្នាបានប្រើល្បិចបបួលកូនស្រីរបស់ពួកគាត់ទាំង៣នាក់ទៅ លេងវត្ដបំណក់ ដោយនិយាយថា គេឱ្យលុយ ចាយ ។
ពេលចូលទៅដល់ក្នុងវត្ដភ្លាម គេបាន នាំក្រុមក្មេងស្រីទៅអង្គុយកន្លែងស្ងាត់ដែលពុំមានអ្នកណាឃើញ ហើយបានបបោសអង្អែល លូកលាន់ពេញរាងកាយពួកនាង ពិសេសបាន ធ្វើសកម្មភាពដ៏ថោកទាបយកលិង្គរបស់គេ ប៉ះពាល់ ប្រដាប់ភេទកូនស្រីរបស់ពួកគាត់ពី ខាងក្រៅម្នាក់ម្ដងៗ ប៉ុនប៉ងរំលោភទៀតផង ។ ដោយសារបាត់កូនយូរពេក ពួកគាត់ ដើររកពេញភូមិ ស្រាប់តែឃើញនៅក្នុងវត្ដ ដោយមានឈ្មោះឆាំ ប៊ុនធឿន នៅជាមួយ ដែរ ។ នៅពេលទៅដល់ឆាំ ប៊ុនធឿន បាន ស្ទុះដើរចេញទៅបាត់ ហើយកូនៗរបស់ពួក គាត់បាននិយាយប្រាប់អំពីការប្រព្រឹត្ដិដ៏លាមករបស់គេ ។
ដឹងបែបនេះ ពួកគាត់បាន ទៅប្ដឹងប៉ូលិសប៉ុស្ដិ៍តែម្ដង ។មន្ដ្រីប៉ូលិសប៉ុស្ដិ៍ឃុំឈើតុំឱ្យដឹងថា បន្ទាប់ ពីទទួលពាក្យបណ្ដឹងរបស់ស្ដ្រីទាំងពីរនាក់ជា ម្ដាយក្មេងស្រីរងគ្រោះទាំងបីនាក់មក សមត្ថ កិច្ចបានទៅឃាត់ខ្លួនជនសង្ស័យបញ្ជូនទៅ កាន់តុលាការដើម្បីផ្ដន្ទាទោសតាមច្បាប់ ។ នៅចំពោះមុខសមត្ថកិច្ច ជនសង្ស័យសារ ភាពថា គេពិតជាបានប្រព្រឹត្ដអំពើបែបនោះ មែន ប៉ុន្ដែមិនបានដល់ទីជំរៅទេ ៕
ចែករំលែកព័តមាននេះ