ខេត្តសៀមរាប ៖ មានហេតុការណ៍ទុស្សេចរន្តអគ្គិសនីលើបង្គោលភ្លើងមួយដើមនៅកណ្តាលផ្សារលើធំថ្មី បង្កការភ្ញាក់ផ្អើលដល់ក្រុមអាជីវកំពុងលក់ដូរនៅក្នុងផ្សារ កាលពីវេលាម៉ោង ៥និង៤០នាទី ល្ងាច ថ្ងៃទី១៨ កញ្ញា ២០១៤ នេះ នៅចំណុចផ្សារលើធំថ្មី ស្ថិតក្នុងភូមិដកពោធិ៍ សង្កាត់សាលាកំរើក ក្រុង-ខេត្តសៀមរាប ។
ខេត្តសៀមរាប ៖ មានហេតុការណ៍ទុស្សេចរន្តអគ្គិសនីលើបង្គោលភ្លើងមួយដើមនៅកណ្តាលផ្សារលើធំថ្មី បង្កការភ្ញាក់ផ្អើលដល់ក្រុមអាជីវកំពុងលក់ដូរនៅក្នុងផ្សារ កាលពីវេលាម៉ោង ៥និង៤០នាទី ល្ងាច ថ្ងៃទី១៨ កញ្ញា ២០១៤ នេះ នៅចំណុចផ្សារលើធំថ្មី ស្ថិតក្នុងភូមិដកពោធិ៍ សង្កាត់សាលាកំរើក ក្រុង-ខេត្តសៀមរាប ។
ប្រភពព័ត៌មានបានឱ្យដឹងថា បន្ទាប់ពីមានការភ្ញាក់ផ្អើលថាមានទុស្សេចរន្តអគ្គិសនីលើបង្គោលភ្លើងបែកផ្កាភ្លើងនិងផ្សែងហ៊ុយទ្រលោមនោះ ភ្លាមៗគេឃើញសន្តិសុខផ្សារបានយកបំពង់ពន្លត់អគ្គិភ័យមកបាញ់ពន្លត់ទៅលើបង្គោលភ្លើងនោះអស់ពីរបំពង់ទើបភ្លើងបានរលត់ទាំងស្រុង ដោយមិនមានបង្កការឆ្លងរាលដាលទៅដល់តូបលក់ដូររបស់អាជីវករក្នុងផ្សារនោះទេ ។
គួរបញ្ជាក់ថា នេះគឺជាលើកទី៣ហើយដែលមានហេតុការណ៍ទុស្សេចរន្តអគ្គិសនីនៅក្នុងផ្សារលើធំថ្មីនេះ ដែលកាលពីលើកទី១.ទុស្សេចរន្តអគ្គិសនីនៅក្នុងបន្ទប់ទឹក ,លើកទី២. នៅវេលាម៉ោង១០ ព្រឹក ថ្ងៃទី ១៦ កញ្ញា ២០១៤ គឺទុស្សេចរន្តអគ្គិសនីនៅបង្គោលភ្លើងកណ្តាលផ្សារនេះតែម្តង ចំណែកលើទី៣.គឺទុស្សេចរន្តអគ្គិសនីនៅបង្គោលភ្លើងកណ្តាលផ្សារនេះដដែលទៀត ។
ប្រភពព័ត៌មានពីអាជីករឈ្មោះ ជៀប សុឃឿន អាយុ៣៥ឆ្នាំ រស់នៅកន្លែងកើតហេតុបានប្រាប់កោះសន្តិភាពនៅនឹងកន្លែងកើតហេតុថា ក្រុមអាជីវករនៅក្នុងផ្សារខាងលើនេះមានការព្រួយបារម្ភដូចគ្នា អំពីករណីទុស្សេចរន្តអគ្គិសនីជាច្រើនលើក ច្រើនសារ ហើយក្រុមអាជីវករក៏បានប្រាប់ទៅលោក ហុក ថៃ ដែលជាប្រធានផ្សារខាងលើអំពីបញ្ហានេះ ។ បន្ទាប់ពីទទួលព័ត៌មានពីការព្រួយបារម្ភរបស់ក្រុមអាជីវកររួមមក នៅថ្ងៃទី ១៦ កញ្ញា លោក ហុក ថៃ ក៏បានប្រាប់បន្តទៅឈ្មោះ ស ដែលជាអ្នកម៉ៅការរៀបចំប្រព័ន្ធភ្លើងនៅក្នុងផ្សារ ឱ្យមកពិនិត្យនិងរៀបចំខ្សែភ្លើងឱ្យមានរបៀបរៀបរយល្អ ប៉ុន្តែគេពុំឃើញអ្នកម៉ៅការភ្លើងក្នុងផ្សារខាងលើនេះ ចុះមកពិនិត្យម្តងណានោះទេ ចាប់តាំងពីថ្ងៃផ្តល់ដំណឹង រហូតមកទល់ថ្ងៃកើតហេតុលើកទី៣នេះ ។
ក្រុមអាជីវករនៅក្នុងផ្សារលើធំថ្មី នេះបានធ្វើការរិះគន់យ៉ាងខ្លាំងទៅលើអ្នកម៉ៅការរៀបចំប្រព័ន្ធភ្លើងនៅក្នុងផ្សារ ថាមិនបានយកចិត្តទុកដាក់រៀបចំប្រព័ន្ធភ្លើងឱ្យបានល្អនោះទេ ដោយដាក់ខ្សែភ្លើងនៅរាយប៉ាយពេញលើដំបូលតូប ។ ក្នុងនោះក្រុមអាជីវករក៏បានលើកឡើងថា ប្រសិនបើទុស្សេចរន្តគ្គិសនីនៅពេលយប់វិញនោះ ផ្សារលើធំថ្មី នឹងឆេះខូចខាតដូចផ្សារដើមក្រឡាញ់ជាក់ជាមិនខាន ។
ចែករំលែកព័តមាននេះ