ខេត្តឧត្តរមានជ័យ ៖ នាពេលរដូវកាន់បិណ្ឌនឹងឈានទៅក្នុងពិធីបុណ្យភ្ជុំខាងមុខនេះមានមនុស្សប្រុស-ស្រីជាច្រើននាក់បាននាំគ្នីគ្នាទៅលេងក្នុងតំបន់ទេសចរណ៍ទឹកធ្លាក់ពីលើកំពូលភ្នំអូរស្វាយត្រូវបានទឹកកួចឆាបឆក់យកជីវិតមនុស្សប្រុសស្រី២នាក់ និងរងរបួសធ្ងន់ស្រាល២នាក់កាលពីវេលាម៉ោង៥ល្ងាច ថ្ងៃទី១៧ កញ្ញា ២០១៤ ។
ខេត្តឧត្តរមានជ័យ ៖ នាពេលរដូវកាន់បិណ្ឌនឹងឈានទៅក្នុងពិធីបុណ្យភ្ជុំខាងមុខនេះមានមនុស្សប្រុស-ស្រីជាច្រើននាក់បាននាំគ្នីគ្នាទៅលេងក្នុងតំបន់ទេសចរណ៍ទឹកធ្លាក់ពីលើកំពូលភ្នំអូរស្វាយត្រូវបានទឹកកួចឆាបឆក់យកជីវិតមនុស្សប្រុសស្រី២នាក់ និងរងរបួសធ្ងន់ស្រាល២នាក់កាលពីវេលាម៉ោង៥ល្ងាច ថ្ងៃទី១៧ កញ្ញា ២០១៤ ។ ហេតុកការណ៍នេះបានកើតឡើងនៅក្នុងភូមិអូរស្វាយ ឃុំអូរស្វាយ ស្រុកត្រពាំង ប្រាសាទ ខេត្តឧត្តរមានជ័យ ។
បើតាមសម្តីរៀបរាប់ពីឈ្មោះ ហឿ សុយាត្រា ភេទស្រី អាយុ២៤ឆ្នាំមាន ទីលំនៅភូមិគោកមន ឃុំគោកមន ស្រុកបន្ទាយអំពិល ខេត្តឧត្តរមានជ័យបានឲ្យដឹងថា ខ្លួនមានតួនាទីជាគ្រូបង្រៀនសិស្សក្នុងឃុំផ្អាវ ស្រុកត្រពាំងប្រាសាទបានបរបួលគ្នាចំនួន៩នាក់ទៅលេងទឹកជ្រោះធ្លាក់ពីលើកំពូលភ្នំអូរស្វាយ ហើយក៍មានមនុស្សម្នាគេឯងជាច្រើននាក់ទៀត បានទៅលេងនៅទីនោះដែរតាំងពីព្រឹករហូតមកទល់ល្ងាច ពួកខ្លួនកំពុងតែនាំគ្នាលេងទឹកស្រាប់តែមានហេតុការណ៍ ទឹកហូរកួចឆាបឆក់យកជីវិតប្អូនស្រីរបស់ខ្លួនម្នាក់ឈ្មោះ ហឿ ចរិយាអាយុ១៤ឆ្នាំ ដោយរកមិនទាន់រកឃើញនៅឡើយទេរហូតមកទល់វេលាម៉ោង៥ថ្ងៃទី១៨ កញ្ញា ២០១៤នេះ និងម្នាក់ទៀតឈ្មោះ ផាន សាវ៉ាត ភេទប្រុស អាយុ១៩ឆ្នាំ រស់នៅភូមិពរពេល ឃុំផ្អាវ ស្រុកត្រពាំងប្រាសាទ ត្រូវបានរកឃើញនៅចំណុចចម្លោះផ្ទាំងថ្មធំមួយ ត្រូវបាននាំយកមកលំនៅឋានហើយ ។ ចំណែកអ្នករងរបួសទី១. ឈ្មោះ មួក សាវឿន ភេទប្រុស អាយុ២៨ឆ្នាំ រស់នៅក្នុងភូមិពរពេល ឃុំផ្អាវ ស្រុកត្រពាំងប្រាសាទ រង របួសធ្ងន់នាំទៅសង្គ្រោះ និងរូបខ្លួនផ្ទាល់ ឈ្មោះ ហឿ សុយាត្រា ភេទស្រី អាយុ២៤ឆ្នាំ រងរបួសស្រាល ។
បើតាមសម្តីអ្នកភូមិអូរស្វាយបានឲ្យដឹងថាតំបន់ទេសចរណ៍ទឹកធ្លាក់អូរស្វាយ ជារៀងរាល់ឆ្នាំឲ្យតែមានទឹកភ្លៀងធ្លាក់ទោះជាតិច ឬ ច្រើនក្នុងតំបន់ទឹកធ្លាក់អូរស្វាយនេះតែងតែកើតមានជារៀងរហូតមកហើយមនុស្សម្នាតែងតែនាំគ្នី គ្នាទៅលេងកម្សាន្តនៅទីនោះជារៀងរាល់ឆ្នាំតែពុំដែលកើតមានហេតុការណ៍នេះ ទេ នេះជាលើកទី១ហើយដែលមានបែបនេះ ។
ចែករំលែកព័តមាននេះ