ខេត្តស្វាយរៀង ៖ នាយរងការិយាល័យនគបាលចរាចរ នៃស្នងការដ្ឋាននគបាលខេត្តម្នាក់រងរបួសបែកក្បាលធ្ងន់ធ្ងរ សន្លប់នៅនឹងកន្លែង ដោយសារគ្រោះថ្នាក់ចរាចរណ៍ បង្កឡើងដោយរ៉ឺម៉កម៉ូតូដឹកគោបុកពីក្រោយពេញទំហឹងប៉ើងហោះផ្ងារក្រោយបោកក្បាលទៅលើថ្នល់កៅស៊ូ ខណៈលោកនាយរងកំពុងដើរហាត់ប្រាណតាមផ្លូវ។
ខេត្តស្វាយរៀង ៖ នាយរងការិយាល័យនគបាលចរាចរ នៃស្នងការដ្ឋាននគបាលខេត្តម្នាក់រងរបួសបែកក្បាលធ្ងន់ធ្ងរ សន្លប់នៅនឹងកន្លែង ដោយសារគ្រោះថ្នាក់ចរាចរណ៍ បង្កឡើងដោយរ៉ឺម៉កម៉ូតូដឹកគោបុកពីក្រោយពេញទំហឹងប៉ើងហោះផ្ងារក្រោយបោកក្បាលទៅលើថ្នល់កៅស៊ូ ខណៈលោកនាយរងកំពុងដើរហាត់ប្រាណតាមផ្លូវ។
គ្រោះថ្នាក់នេះកើតឡើងកាលពីវេលាម៉ោងប្រមាណជា៥និង៣៥នាទីព្រឹកថ្ងៃទី១៨ កញ្ញា ២០១៤ នៅលើកំណាត់ផ្លូវជាតិលេខ១ត្រង់ចំណុចខាងលិចរោងចក្រហ្វ៊ូលហ្វរ័ជូន ស្ថិតនៅភូមិស្វាយតឿ សង្កាត់ស្វាយតឿ ក្រុងស្វាយរៀង។
បើតាមនគបាលចរាចរខេត្តប្រាប់ឲ្យដឹងថា ជនរងគ្រោះឈ្មោះអ៊ុក គុណ្ណារី ភេទប្រុស អាយុ៤៦ឆ្នាំ មានឋានៈអនុសេនីយ៍ឯក ជានាយរងការិយាលយ័នគបាលចរាចរ នៃស្នងការដ្ឋានគរបាលខេត្តស្វាយរៀង។ មុនពេលកើតហេតុគេឃើញលោកអនុសេនីយ៍ឯកអ៊ុក គុណ្ណារី ដើរហាត់ប្រាណនៅលើផ្លូវជាតិលេខ១ គឺដើរពីលិចទៅកើត តាមចិញ្ចើមថ្នល់ លុះដល់មុខផ្ទះរបស់គាត់ស្រាប់តែមានរ៉ឺម៉កម៉ូតូដឹកគោមួយគ្រឿងបើកបរពីទិសខាងលិចទៅកើត ស្របទិសគ្នាមកបុកចំពីក្រោយពេញទំហឹងប៉ើងដួលដាច់ផ្ងារមកក្រោយបែកក្បាលផុងលលាដ៏សន្លប់នៅនឹងកន្លែង ។
ក្រោយពីកើតហេតុ ជនរងគ្រោះត្រូវនគរបាលចរចរខេត្តហៅរថយន្តសាមុយដឹកមកគ្លីនិកផាសុកភាព តែរបួសធ្ងន់ធ្ងរពេកក៏បញ្ជូនទៅមន្ទីរពេទ្យចារីក្រុងព្រៃនគរ ប្រទេសវៀតណាម។ រីឯរ៉ឺម៉កម៉ូតូនិងគោពីរក្បាលយកទៅរក្សាទុកនៅការិយាលយ័នគបាលចរាចរខេត្ត ដើម្បីដោះស្រាយតាមច្បាប់ ដោយឡែកអ្នកបើកម៉ូតូរត់គេចខ្លួនបាត់ ៕
ចែករំលែកព័តមាននេះ