រាជធានីភ្នំពេញ ៖ ស្ត្រីជាកម្មករធ្វើនំបញ្ចុកម្នាក់បានចង.កសម្លាប់ខ្លួននៅក្នុងទីតាំងសិប្បកម្មផលិតនំបញ្ចុកមួយកន្លែង ដោយគ្មានអ្នកណាម្នាក់ដឹងពីមូលហេតុច្បាស់លាស់នោះឡើយ។
ជនរងគ្រោះឈ្មោះចេក ម៉ុម ហៅនូច អាយុ៤២ឆ្នាំ មានស្រុកកំណើតភូមិថ្មី ឃុំគគីរមានជ័យ ស្រុកបរសេដ្ឋ ខេត្តកំពង់ស្ពឺ។
ប្រភពព័ត៌មានឲ្យដឹងថា ជនរងគ្រោះត្រូវបានគេប្រទះឃើញចង.កសម្លាប់ខ្លួននៅក្រោមដំបូលផ្ទះនៃទីតាំងសិប្បកម្មផលិតនំបញ្ចុក ជាកន្លែងដែលគាត់ស្នាក់នៅ ស្ថិតនៅផ្ទះលេខ១២៩ ក្រុមទី១៦ ភូមិត្រពាំងឈូក សង្កាត់ទឹកថ្លា ខណ្ឌសែនសុខ កាលពីវេលាម៉ោង១និង២៥នាទីរំលងអធ្រាត្រ ឈានចូលថ្ងៃទី១៨ កញ្ញា ។
ប៉ូលិសបានឲ្យដឹងថា ជនរងគ្រោះបានយកក្រមាចងភ្ជាប់ទៅនឹងផ្ទោងដំបូលផ្ទះ ត្រង់ច្រកទ្វារជាន់ទី១។ ចំណែកឯប្រភពព័ត៌មានពីកម្មករដូចគ្នានិងស្នាក់នៅក្បែរបន្ទប់ជនរងគ្រោះបានឲ្យដឹងថា នៅវេលាម៉ោង១រំលងអធ្រាត្រ ឈានចូលថ្ងៃទី១៨ កញ្ញា នាងបានចេញពីបន្ទប់ទៅក្រៅដើម្បីបត់ជើងតូច ក៏ប្រទះឃើញជនរងគ្រោះចង.កសម្លាប់ខ្លួន បង្កឱ្យមានការភ្ញាក់ផ្អើលនិងរាយការណ៍ទៅសមត្ថកិច្ចតែម្តង។
ឆ្លងតាមការត្រួតពិនិត្យពីប៉ូលិសបច្ចេកទេសបញ្ជាក់ថា ជនរងគ្រោះគឺស្លាប់ដោយចង.កពិតប្រាកដមែន ៕
ចែករំលែកព័តមាននេះ