ហាណូយ ៖ ប្រទេសវៀតណាមបានបណ្តាក់ទុន១៩ពាន់លានដុល្លារ លើ៨៩០គម្រោងនៅបណ្តាប្រទេសចំនួន៦៣លើពិភពលោក ក្នុងខែកក្កដា ឆ្នាំ២០១៤ ។
ភាគច្រើននៃគម្រោងទាំងនោះ គឺប្រតិបត្តិនៅក្នុងវិស័យប្រេងនិងឧស្ម័ន ការដាំដុះដើមឈើលក្ខណៈឧស្សាហកម្ម ផលិតកម្មអគ្គិសនី និងទូរគមនាគមន៍ ។ ក្នុងនោះ ទ្បាវ កម្ពុជា រុស្ស៊ី និងវេណេស៊ុយអេទ្បា នៅតែជាទិសដៅធំនៃការវិនិយោគរបស់វៀតណាម ។ នៅក្នុងរយៈពេល៧ខែដើមឆ្នាំនេះ ក្រសួងផែនការនិងវិនិយោគ បានអនុញ្ញាតឬចេញអាជ្ញាប័ណ្ណលើគម្រោងវិនិយោគរបស់វៀតណាមចំនួន៦៨ ក្នុងប្រទេសចំនួន២១ ។ គម្រោងទាំងនោះ បានចុះបញ្ជីទុនសរុប៨៩៤លានដុល្លារ នៃបរិមាណជិត៦០៩លានដុល្លារ ដែលត្រូវបានចាយវាយ ។
ម្យ៉ាងទៀត ការវិនិយោគត្រូវបានចំណាយជាចម្បងទៅលើបច្ចេកវិទ្យាព័ត៌មាន កសិកម្ម និងព្រៃឈើ ក្នុងប្រទេសអាស៊ានដូចជា កម្ពុជា មីយ៉ាន់ម៉ា និងទ្បាវ ៕
ចែករំលែកព័តមាននេះ