រាជធានីភ្នំពេញ ៖ អ្នកភូមិទ្បពាង ឃុំតាជេស ស្រុកកំពង់ត្រទ្បាច ខេត្តកំពង់ឆ្នាំង ស្គាល់ច្បាស់ណាស់ដល់ក្រយៅ របស់ឈ្មោះ រាជ សីមា ដែលជាបុគ្គលម្នាក់ គ្មានមុខរបរពិតប្រាកដ ធ្វើមេខ្លោងបំបះបំបោរអ្នកភូមិឱ្យដើរតាមនយោបាយអាក្រក់របស់ខ្លួន គឺ«ឈ្នះបានដី ចាញ់បានលុយ» ។
អ្នកទ្បពាងមួយក្រុមដែលសុចរិតទៀងត្រង់មានមុខរបរពិតប្រាកដ ចង់បានរោងចក្រនៅជិតភូមិ បានប្រាប់កោះសន្តិភាពថា យាយអ៊ុន ទុំ មានកូនប្រុសខូច២នាក់ ម្នាក់ឈ្មោះ ស្ងួន ញៀន ហៅ រាជ សីមា ម្នាក់ទៀតឈ្មោះ ស្ងួន ញឿន មានប្រពន្ធឈ្មោះ អ៊ុំ សុភី។ ពួកគេនិយាយថា ពូជយាយទុំ អត់មានដីស្រែទេ សូម្បីមួយចំអាមក៏គ្មានដែរ កោតគេស្រែកទាមទារថា ក្រុមហ៊ុន KDC រំលោភយកដីគាត់ទៅរួច ខ្ញុំធ្វើអត់បានដូចគាត់ទេ ។
ឮដោយមើលឃើញថា ក្រុមហ៊ុន KDC ប្រឹងប្រែងដើម្បីស្ថាបនារោងចក្រ ត្រូវស្ងួន ញៀន ហៅ រាជ សីមា កាន់តែប្រឹងប្រែងធ្វើព្យុះធ្វើភ្លៀង ដេកននៀលទាមទារយកដី ដោយចោទថា ក្រុមហ៊ុនរំលោភយកដីពួកខ្លួន ធ្វើឱ្យក្រុមហ៊ុនអាក់ដំណើររាប់ឆ្នាំ ខាតបង់ពេលវេលាច្រើនណាស់ ។
កន្លងមក ក្រុមហ៊ុន KDC បានប្រើនយោបាយទន់ភ្លន់សម្របសម្រួល ដែលមានអ្នកជួយដោះស្រាយចេញមកពីគ្រប់មជ្ឈដ្ឋាន ដោយសុខចិត្តចំណាយប្រាក់ ធ្វើជាគោលនយោបាយដោះស្រាយ ដើម្បីបញ្ចប់បញ្ហា ។ បើអ្នកណាមានដីមានឯកសារ ទោះបីធ្វើក្លែងក្លាយក្តីមកបង្ហាញ ក្រុមហ៊ុនឱ្យដីវិញ បើគ្មានដីទេ សុខចិត្តឱ្យប្រាក់ យ៉ាងសមរម្យ កុំឱ្យបង្អាក់ដំណើរ ។
ចំណែកឈ្មោះ ស្ងួន ញៀន ហៅ រាជ សីមា ឈ្មោះ ស្ងួន ញឿន និងប្រពន្ធមានតែបាតដៃទទេ ប៉ុន្តែមានមេអង្គការមួយនៅពីក្រោយជួយចិញ្ចឹមបាយទឹក បានទាមទារឥតឈប់ ធ្វើបាតុកម្មគំរាមកំហែងក្រុមហ៊ុនឱ្យខូចអស់កិត្តិយស ខាតបង់ពេលវេលា ទោះបីឱ្យលុយហើយ ខ្លះលោភលន់ក៏នៅតែតវ៉ាទាមទារទៀត ។ អ្នកដែលនៅពីក្រោយខ្នងរាជ សីមា មានតែវិទ្យុបរទេសផ្សាយជាភាសាខ្មែរ និងកាសែតបរទេសក្នុងស្រុក រួមជាមួយអង្គការក្រៅរដ្ឋាភិបាលមួយ ដែលជាជនងងឹតតែប៉ុណ្ណោះ ។ រាជ សីមា និយាយប្រាប់ពួកកាសែតបរទេសក្នុងស្រុកចោទគេឯងថាអាក្រក់ ចោទក្រុមហ៊ុន KDC ថាអាក្រក់ ប៉ុន្តែអត់មាននិយាយពីខ្លួនឯងអាក្រក់ផងទេ ។ រីឯពួកបរទេសធ្វើកាសែតក្នុងស្រុក គិតតែពីផ្សាយតាមសម្តីរាជ សីមា អត់មានសួររាជ សីមា ពីមូលហេតុដែលធ្វើអាក្រក់ អត់សួរនាំហេតុផលទ្បើយ គិតតែពីជួយផ្សព្វផ្សាយ ។ អ្នកត្រូវទៅជាខុស ដូចជួយរុញឱ្យឈ្មោះ រាជ សីមា និងសាច់ញាតិ ឱ្យកាន់តែធ្លាក់ជ្រៅទៅៗ ក្នុងអន្លង់មរណៈ ស្ទើររកជួយស្រោចស្រង់លែងបាន ។
ទោះជាយ៉ាងនេះក្តី ឈ្មោះ រាជ សីមា មានយីអ៊ុនទ្បើងបានមួយកាំដែរ ដោយសារតែលោកជំទាវ ទ្បោក ខេង អ្នកតំណាងរាស្ត្រមណ្ឌលភ្នំពេញ ជួយស្រោចស្រង់ ព្រោះយល់ឃើញថា ឈ្មោះ ស្ងួន ញៀន ហៅ រាជ សីមា ត្រូវជាសាច់ញាតិអ្នកបើកបររថយន្តដ៏ល្អរបស់លោកជំទាវ ។
ការជួបពិភាក្សាគ្នាដោយផ្ទាល់ លោកជំទាវ ទ្បោក ខេង ដែលជាសប្បុរសជនមួយរូបតិចណាស់ដែលគេមិនស្គាល់ បានចំណាយប្រាក់ជួយឱ្យខ្ចីដូចជួយឱ្យរស់ចំនួន១ម៉ឺនដុល្លារ យកទៅធ្វើដើមរកស៊ីទៅ កុំទៅធ្វើនយោបាយថោកទាប «ឈ្នះបានដី ចាញ់បានប្រាក់» បែបនេះទៀត ព្រោះគេស្គាល់ក្រយៅអស់ហើយ ។ សូម្បីក្រុមហ៊ុន KDC ក៏បានជួយឧបត្ថម្ភជនអគតិបំផុតនេះ ច្រើនណាស់ដែរ មិនចង់ឱ្យមានការប្រឆាំងណាមួយ ពេលដែលក្រុមហ៊ុនចាប់ដំណើរការវិនិយោគនេះទេ ព្រោះអ្នកវិនិយោគសុខចិត្តបោះសាច់មួយដុំចោល ឱ្យតែកុំមានបញ្ហា ។
ប្រភពច្បាស់ការណ៍បានប្រាប់កោះសន្តិភាពថា ដោយមានអ្នកការពារច្បាប់អមផង លោកជំទាវ ទ្បោក ខេង បានប្រគល់សែកមួយសន្លឹក មានទឹកប្រាក់មួយម៉ឺនដុល្លារ ឱ្យអន្ទិត រាជ សីមា ដែលអាចបើកបាននៅថ្ងៃទី២១ សីហា ឆ្នាំ២០១៤ ។ ជាមួយទឹកប្រាក់មួយម៉ឺនដុល្លារនេះ ដែលអាចបើកចេញពីធនាគារបាន លុះត្រាតែអ្នកឯងឈ្មោះ រាជ សីមា គោរពកិច្ចសន្យា ដែលមានលក្ខណៈចងទុករួចជាស្រេច ។ សុចរិតភាពនោះ គឺត្រូវបញ្ឈប់រាល់ការធ្វើបាតុកម្មទាមទារ ព្រមទាំងជួយណែនាំក្រុមរបស់ខ្លួន ដែលជាកូនអុករួម ឱ្យបញ្ឈប់ប្រព្រឹត្តបទល្មើសនេះបន្តទៀត ព្រោះបានទទួលផលត្រឹមត្រូវតាមនយោបាយ ឈ្នះបានដី ចាញ់បានលុយមែនហើយ កុំនៅអាក្រក់បំផុតដល់ណាទៀត។
ពេលជួបពិភាក្សាយល់ព្រមធ្វើកិច្ចសន្យានោះ ឈ្មោះ រាជ សីមា ក៏បានប្រាក់មកស៊ីចាយបណ្តើរៗដែរ ទម្រាំដល់ថ្ងៃត្រូវបើកសែក ។ ប៉ុន្តែហេតុតែជាមនុស្សដែលមិនគួរឱ្យរាប់អាន ហេតុតែជាមនុស្សដែលសង្ស័យជាអ្នករស់នៅក្រៅច្បាប់ បានលើកគ្នាមកធ្វើបាតុកម្មបន្តបន្ទាប់ទៀត មុនពេលកំណត់បើកប្រាក់សែក ដែលមានមេខ្លោងអង្គការមួយ ទិញអង្កររាប់តោននិងស្បៀង ឱ្យដេកស៊ីធ្វើបាតុកម្ម ។
ឃើញទង្វើមិនគោរពកិច្ចសន្យាបែបនេះ លោកជំទាវតំណាងរាស្ត្រ ទ្បោក ខេង ជាម្ចាស់ប្រាក់បានប្រាប់ទៅធនាគារមិនឱ្យបើកទេ ព្រោះជាបុគ្គលដែលមិនគោរពកិច្ចសន្យា ។ ប្រាក់នេះ ជាប្រាក់កម្ចីមិនមែនប្រាក់ជំពាក់ត្រូវសងទេ ។ ដូច្នេះម្ចាស់ប្រាក់មានសិទ្ធិ «ប្លុកសែក»នេះ មិនបើកឱ្យទេ ទុកឱ្យអ្នកឯងយកសែកនេះ ទៅទុកធ្វើកេរ្តិ៍ទៅចុះ ឬក៏យកទៅធ្វើក្រដាសអនាម័យក៏បានដែរ ព្រោះវាអស់តម្លៃទៅហើយ ។
ក្រោយពេលបើកប្រាក់មួយម៉ឺនដុល្លារ ដែលដេកសង្ឃឹមយូរហើយនេះមិនបាន ឈ្មោះ រាជ សីមា បានប្រកាសប្រាប់ទៅវិទ្យុបរទេសផ្សាយជាភាសាខ្មែរ ព្រមទាំងកាសែតបរទេសក្នុងស្រុកផងដែរ ដោយចោទថា ក្រុមហ៊ុនឱ្យសែកស្អុយ ។ ពិតជាល្ងង់ពកថ្ងាសគ្រប់ដប់មែន ។ គេជំពាក់ខ្លួនពីពេលណា ? លុយមួយម៉ឺនដុល្លារ ជាលុយស្អី ? មិនមែនជាប្រាក់សំណងទេ តែគឺជាប្រាក់កម្ចី ចង់គេឱ្យពេលណា ឬគេមិនឱ្យ ដោយសារមារយាទទុច្ចរិតរបស់ខ្លួនឯងតែប៉ុណ្ណោះ ។ ចំណែកឯមេខ្លោងដែលរុញគូទរាជ សីមា ឱ្យប្តឹងថា សែកស្អុយនោះ មិនខុសពីរុញគ្នីគ្នាឱ្យចូលលូបង្គន់ស្អុយទាំងអស់គ្នានោះទ្បើយ ។
បង្ហាញមារយាទអាក្រក់របស់រាជ សីមា
ដើម្បីបញ្ជាក់ឱ្យកាន់តែច្បាស់នូវមារយាទអាក្រក់របស់ឈ្មោះ ស្ងួន ញៀន ហៅ រាជ សីមា នេះ ការិយាល័យនិពន្ធកោះសន្តិភាព សូមថតចម្លងទាំងស្រុង នូវព័ត៌មានពិស្តារមួយ ដែលលោកជំទាវ ទ្បោក ខេង អ្នកតំណាងរាស្ត្រមណ្ឌលភ្នំពេញ បានបំភ្លឺជាសាធារណៈ ក្រោយពីមានកាសែតបរទេសក្នុងស្រុកចុះផ្សាយ ដែលទំនងលោកជំទាវទ្រាំស្ងៀមលែងបាននូវអំពើអាក្រក់របស់រាជ សីមា និងមេខ្លោងដែលរុញពីក្រោយ ។
រឿងឈ្មោះ ស្ងួន ញៀន ហៅ រាជ សីមា ដែលប្រើនយោបាយ «ឈ្នះបានដី ចាញ់បានលុយ» នេះ នៅមានវែងឆ្ងាយ ដែលយើងនឹងចេញផ្សាយបន្តនៅពេលណាមួយ ។ ចង់សួរថា គាត់អត់ធ្វើការរកស៊ីអីសោះ រកតែបាយហូបមិនចង់បាន តើបានប្រាក់ពីណាទិញគោយន្ត ទិញម៉ូតូជិះហ៊ឺហា សង្ស័យបានមកពីញើសឈាមអ្នកភូមិទ្បពាង ដែលខ្លួនបោកប្រាស់នាំមកធ្វើបាតុកម្ម ? ដឹកនាំអ្នកភូមិទ្បពាង អ្នកភូមិបឹងកក់ មកធ្វើបាតុកម្មយ៉ាងវេទនា ទីបំផុតស្រាប់តែខ្លួនឯង«មានបាន» ខុសគេឆាប់ម្ល៉េះ ? សូមអ្នកភូមិទ្បពាង ដែលចាញ់បោកឈ្មោះ រាជ សីមា លើកគ្នាទៅចាប់ដៃគាត់ឱ្យជាប់ ហើយសួរឱ្យមែនទែន កុំឱ្យគេយកឈ្មោះទៅបោកតទៅទៀត ៕
ខ្ញុំ ឡោក ខេង សូមជំរាបដំណើររឿងដូចខាងក្រោម ៖
ចែករំលែកព័តមាននេះ