ខេត្តក្រចេះ ៖ ប្រជាពលរដ្ឋធ្វើដំណើរ ជាពិសេសភ្ញៀវទេសចរនៅតែមានការព្រួយបារម្ភទៅលើសុវត្ថិភាពចរាចរណ៍ទៅមក ខណៈដែលមានឈ្មួញរកស៊ីឈើនៅតែបន្តយកផ្លូវកៅស៊ូតាមរមណីយដ្ឋានទេសចរណ៍ធម្មជាតិ មកធ្វើជាផ្លូវដឹកជញ្ជូនបទល្មើសព្រៃឈើ
គ្រប់ធ្យោបាយទាំងយប់ទាំងថ្ងៃ បើទោះបីជាប៉ូលិសខំព្យាយាមបង្ក្រាបយ៉ាងណាក៏ដោយ ។
សកម្មភាពចាប់បង្ក្រាបសារជាថ្មីមួយទៀតរបស់ប៉ូលិសប្រឆាំងបទល្មើសសេដ្ឋកិច្ចខេត្ត ទៅលើរថយន្តសាំយ៉ុងមួយគ្រឿង មានលួចដឹកឈើប្រណីតប្រភេទធ្នង់ជាច្រើនកំណាត់ កាលពីយប់ថ្ងៃទី១៦ កញ្ញា ២០១៤ ស្ថិតនៅលើផ្លូវក្រាលកៅស៊ូ ទល់មុខរមណីយដ្ឋានទឹក ជួរទន្លេមមេគង្គកាំពី ក្នុងឃុំសំបុក ស្រុកចិត្របុរី ។
បន្ទាប់ពីមានការចាប់ឃាត់រថយន្តដឹកឈើល្មើសច្បាប់មួយគ្រឿងនេះ គឺត្រូវនគរបាលប្រឆាំងបទល្មើសសេដ្ឋកិច្ចខេត្ត ដឹកនាំដោយលោកវរសេនីយ៍ឯក គង់ វណ្ណរឹទ្ធ ចុះត្រួតពិនិត្យ និងបានប្រគល់ទៅឱ្យមេព្រៃជំនាញសង្កាត់រដ្ឋបាលព្រៃឈើខេត្តក្រចេះនៅសៀលថ្ងៃ ទី១៧ កញ្ញា នេះ ដើម្បីចាត់ការបន្ត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ