ខេត្តកំពត ៖ ជនសង្ស័យម្នាក់ត្រូវកម្លាំងសមត្ថកិច្ចស្រុកដងទង់ ធ្វើការចាប់ឃាត់ខ្លួនមកសាកសួរនៅអធិការដ្ឋានស្រុក កាលពីវេលារសៀលថ្ងៃទី១៦ កញ្ញា ២០១៤ បន្ទាប់ពីមានពាក្យបណ្តឹងរបស់ក្រុមគ្រួសារក្មេងស្រីរងគ្រោះ ដែលប្តឹងពីបទល្បួងរំលោភសេពសន្ថវៈចំនួន២លើក កាលពីថ្ងៃទី១៥ កញ្ញា ២០១៤ ។
ប្រភពបានឱ្យដឹងថា ជនសង្ស័យឈ្មោះអេង កក្កដា អាយុ១៦ឆ្នាំ មានទីលំនៅក្នុងភូមិពន្លៃ ឃុំអង្គរមាស ស្រុកដងទង់ ។ ចំណែកក្មេងស្រីរងគ្រោះអាយុ១២ឆ្នាំ មានទីលំនៅក្នុងភូមិ-ឃុំជាមួយគ្នា ។
ប្រភពបន្តថា តាមចម្លើយសារភាពរបស់ជនសង្ស័យបានឱ្យដឹងថា ខ្លួនពិតជាបានចាប់រំលោភលើក្មេងស្រីរងគ្រោះពិតប្រាកដមែន ដោយសម្រេចបានដល់ទៅ២លើក ដោយលើកទី១កាលពីវេលាម៉ោង៤ និង៤៥នាទីរសៀល ខណៈក្មេងស្រីរងគ្រោះបានមកលេងផ្ទះរបស់ខ្លួន ហើយរូបគេនៅផ្ទះឯងព្រោះឪពុកម្តាយទៅស៊ីឈ្នួលដកស្ទូងបាត់អស់ ។
ក្រោយពេលរំលោភនៅផ្ទះរបស់ខ្លួនរួច ក្មេងស្រីរងគ្រោះក៏ដើរទៅផ្ទះវិញ ពេលនោះខ្លួនក៏ដើរទៅតាមក្រោយ លុះដើរដល់ពាក់កណ្តាលផ្លូវ មានផ្ទះអ្នកស្រុកមួយនៅក្បែរផ្លូវគ្មានមនុស្សនៅ ខ្លួនក៏ចាប់ទាញដៃក្មេងស្រីរងគ្រោះចូលទៅក្នុងផ្ទះ រូចខ្លួនក៏ចាប់រំលោភរហូតបានសម្រេចជាលើកទី២ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ