ខេត្តបាត់ដំបង ៖ ប្រជាពលរដ្ឋស្រុកសំឡូតម្នាក់ ក្នុងចំណោមគ្នាប្រហែល១០នាក់ បានរងរបួសចំជើងហើយត្រូវទាហានថៃចាប់ខ្លួន បន្ទាប់ពីពួកគេចូលលួចកាប់ឈើគ្រញូងក្នុងទឹកដីថៃ ។
ហេតុការណ៍នេះកើតឡើងកាលពីវេលារសៀលថ្ងៃទី១៦ កញ្ញា នៅចំណុចចម្ការគ្រញូង ស្ថិតក្នុងភូមិចែចៃ ឃុំតើនប្រុស ស្រុកមឿង ខេត្តត្រាត ប្រទេសថៃ ចម្ងាយពីព្រំដែនខ្មែរប្រហែល១០គីឡូម៉ែត្រ ទល់មុខភូមិអូរត្រែង ឃុំតាប៉ាង ស្រុកសំឡូត ។
បើតាមសេចក្តីរាយការណ៍ឱ្យដឹងថា ជនរងគ្រោះដែលត្រូវទាហានថៃចាប់ខ្លួនឈ្មោះ ប៉ែល ហៅតាវ ភេទប្រុស អាយុ២៨ឆ្នាំ មានលំនៅភូមិអន្លង់ពោក ឃុំតាសាញ ស្រុកសំឡូត ចំណែកបក្សពួកដែលទៅជាមួយកំពុងរត់គេចខ្លួននៅតាមបន្ទាត់ព្រំដែន ដោយមិនទាន់ចូលស្រុកនៅឡើយ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ