រាជធានីភ្នំពេញ ៖ ម៉ូតូស្គុបពីមួយគ្រឿងបើកទៅបុកពីក្រោយម៉ូតូហុងដាឌ្រីមមួយគ្រឿងទៀតពេញទំហឹងបណ្តាលឱ្យរបួសធ្ងន់-ស្រាល ៣នាក់ ចំណែកម៉ូតូខូចខាតទាំងសងខាង ។ ហេតុការណ៍នេះកើតឡើងកាលពីវេលាម៉ោង ១០ យប់ ថ្ងៃទី ១៦ កញ្ញា ២០១៤ នៅចំណុចមុខច្រកចូលមន្ទីរពេទ្យបង្អែកពោធិ៍ចិនតុង តាម
រាជធានីភ្នំពេញ ៖ ម៉ូតូស្គុបពីមួយគ្រឿងបើកទៅបុកពីក្រោយម៉ូតូហុងដាឌ្រីមមួយគ្រឿងទៀតពេញទំហឹងបណ្តាលឱ្យរបួសធ្ងន់-ស្រាល ៣នាក់ ចំណែកម៉ូតូខូចខាតទាំងសងខាង ។ ហេតុការណ៍នេះកើតឡើងកាលពីវេលាម៉ោង ១០ យប់ ថ្ងៃទី ១៦ កញ្ញា ២០១៤ នៅចំណុចមុខច្រកចូលមន្ទីរពេទ្យបង្អែកពោធិ៍ចិនតុង តាមមហាវិថីសហព័ន្ធរុស្ស៊ី ស្ថិតនៅក្នុងសង្កាត់កាកាប ខណ្ឌពោធិ៍សែនជ័យ ។
ជនរងគ្រោះទី១.ឈ្មោះ សួន ចាន់ធា ភេទស្រី អាយុ២៨ឆ្នាំ ជាកម្មការនីរោងចក្រ របួសធ្ងន់ និងទី២.ឈ្មោះ ហ៊ិន វណ្ណឌី ភេទប្រុស អាយុ២៧ឆ្នាំ របួសស្រាល។ ជនរងគ្រោះទាំង២ ជិះម៉ូតូហុងដាឌ្រីម សេ១២៥ រស់នៅម្តុំស្ថានីយ៍ទូរទស្សន៍អាស៊ីអាគ្នេយ៍ ចំណែកទី៣.ឈ្មោះ ផន ផានិត ភេទប្រុស អាយុ៣១ឆ្នាំ របួសស្រាល ជិះម៉ូតូស្គុបពី រស់នៅក្នុងភូមិត្រពាំងធ្នង់ សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញម៉ូតូស្គុបពី មួយគ្រឿងពណ៌ក្រហម ពាក់ស្លាកលេខភ្នំពេញ 1BP-2182 បើកដោយបុរសម្នាក់ តាមមហាវិថី សហព័ន្ធរុស្ស៊ីក្នុងទិសដៅ ពីលិចទៅកើត ខណៈមកដល់ចំណុចកើតហេតុ ក៏បានជិះទៅបុកពីក្រោយម៉ូតូ ហុងដាឌ្រីម សេ១២៥ ពណ៌ខ្មៅ មួយគ្រឿង ពាក់ស្លាកលេខភ្នំពេញ 1BZ-1332 ជិះដោយបុរសនារី២នាក់ ស្របទិសគ្នា ពេញទំហឹងបណ្តាលឱ្យរងរបួសធ្ងន់-ស្រាល ៣នាក់ ចំណែកម៉ូតូរងការខូចខាតទាំងសងខាង ។
ក្រោយពេលកើតហេតុជនរងគ្រោះត្រូវបានរថយន្តសាមុយមកទទួលយកទៅសង្រ្គោះហើយភាគីទាំងពីរបានធ្វើការសម្រួលគ្នាតែមិនត្រូវគ្នា ដូច្នេះសមត្ថកិច្ចក៏បានយកម៉ូតូទាំងពីរគ្រឿងទៅដោះស្រាយគ្នានៅប៉ុស្តិ៍នគរបាលរដ្ឋបាលកាកាប តាមនិតិវិធីច្បាប់ ។
ចែករំលែកព័តមាននេះ