រាជធានីភ្នំពេញ ៖ ម៉ូតូវ៉េវ បើកប៉ះគ្នាជាមួយរថយន្តហ៊ីយ៉ាន់ដាយ ដឹកខ្សាច់មួួយគ្រឿងបណ្តាលឱ្យដួលទៅលើផ្លូវត្រូវរថយន្តបើកកិនពីលើរងការខូចខាតយ៉ាងដំណំ ប៉ុន្តែសំណាងល្អអ្នកជិះលោតចេញទាន់គ្រាន់តែរលាត់ដៃជើងតិចតួច ។ ហេតុការណ៍នេះកើតឡើងកាលពីវេលាម៉ោង ៩ និង១០នាទី យប់ថ្ងៃទី ១៦ កញ្ញា ២០១៤
រាជធានីភ្នំពេញ ៖ ម៉ូតូវ៉េវ បើកប៉ះគ្នាជាមួយរថយន្តហ៊ីយ៉ាន់ដាយ ដឹកខ្សាច់មួួយគ្រឿងបណ្តាលឱ្យដួលទៅលើផ្លូវត្រូវរថយន្តបើកកិនពីលើរងការខូចខាតយ៉ាងដំណំ ប៉ុន្តែសំណាងល្អអ្នកជិះលោតចេញទាន់គ្រាន់តែរលាត់ដៃជើងតិចតួច ។ ហេតុការណ៍នេះកើតឡើងកាលពីវេលាម៉ោង ៩ និង១០នាទី យប់ថ្ងៃទី ១៦ កញ្ញា ២០១៤ នៅចំណុចស្តុបចំការមន ស្ថិតក្នុងសង្កាត់ទន្លេបាសាក់ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូវ៉េវ RS មួយគ្រឿង ពណ៌ខ្មៅ ពាក់ស្លាកលេខភ្នំពេញ1CD-2312 ជិះដោយបុរសម្នាក់តាមផ្លូវសុធារស ក្នុងទិសដៅពីកើតទៅលិច ស្រប ទិសគ្នា ជាមួយរថយន្តហ៊ីយ៉ាន់ដាយ ដឹកខ្សាច់ ពាក់ស្លាកលេខព្រះសីហនុ 3A-1117 ខណៈមកដល់ចំណុចស្តុបចំការមន រថយន្តនិងម៉ូតូ បានឈប់ចាំ ស្តុប ហើយពេលដែលសញ្ញាភ្លើងស្តុប បើកឱ្យទៅ រថយន្តនិងម៉ូតូទាំងពីរបានបើកទៅស្របគ្នា ហើយបានប៉ះគ្នានៅកណ្តាលស្តុប(ផ្លូវបែកជាបួន) បណ្តាលឱ្យម៉ូតូដួលទៅលើផ្លូវត្រូវរថយន្តបើកកិនពីលើរងការខូចខាតយ៉ាងដំណំ ប៉ុន្តែសំណាងល្អអ្នកជិះលោតចេញទាន់គ្រាន់តែរលាត់ដៃជើងតិចតួច ។
ក្រោយពេលកើតហេតុភាគីខាងរថយន្តបានទូរស័ព្ទហៅក្រុមហ៊ុន ធានារ៉ាប់រង ដើម្បីឱ្យមកជួយដោះស្រាយ។
ចែករំលែកព័តមាននេះ