ប្រសិនបើលោកអ្នកចូលចិត្តទស្សនាភាពយន្តប្រភេទស្នេហាមនោសញ្ជោតនានោះ If I Stay ប្រាកដជាភាពយន្តតែមួយគត់ដែលលោកអ្នកមិនត្រូវរំលងទស្សនាឡើយ។ វាជាភាពយន្តប្លែកពីភាពយន្តស្នេហាផ្សេងៗទៀត ដែលអ្នកធ្លាប់បានទស្សនា ដោយនៅពេលនេះកំពុងបញ្ចាំងហើយនៅតាមរោងភាពយន្តអន្តរជាតិដូចជា Legend Cinemas, Platinum Cineplex និង Major Cineplex។
ប្រសិនបើលោកអ្នកចូលចិត្តទស្សនាភាពយន្តប្រភេទស្នេហាមនោសញ្ជោតនានោះ If I Stay ប្រាកដជាភាពយន្តតែមួយគត់ដែលលោកអ្នកមិនត្រូវរំលងទស្សនាឡើយ។ វាជាភាពយន្តប្លែកពីភាពយន្តស្នេហាផ្សេងៗទៀត ដែលអ្នកធ្លាប់បានទស្សនា ដោយនៅពេលនេះកំពុងបញ្ចាំងហើយនៅតាមរោងភាពយន្តអន្តរជាតិដូចជា Legend Cinemas, Platinum Cineplex និង Major Cineplex។
ដូចដែលបានបរិយាយខាងលើ If I Stay ជាភាពយន្តមនោសញ្ជេតនាបែបយុវវ័យបច្ចិមប្រទេស ដែលសំដែងដោយតារាស្រីល្បីប្រចាំ Hollywood គឺ Chloë Grace Moretz ដែលប្រិយមិត្តនៅកម្ពុជាក៏ស្គាល់នាងផងដែរ ដោយនាងធ្លាប់សំដែងក្នុងរឿងល្បីៗជាច្រើនដូចជា Kick Ass និង Carrie។ នាងសំដែងជាតួក្មេងស្រីម្នាក់ មានឈ្មោះថា Mia ដែលជាតួមានទេពកោសល្យក្នុងការលេងឧបករណ៏តន្ត្រី cello ដែលជាប្រភេទ classical។ នៅក្នុងសាលានោះមានសិស្សប្រុសម្នាក់ឈ្មោះ Adam ដែលជាអ្នកចំរៀងក្នុងក្រុមប្រចាំសាលាប្រភេទទំនើប ដែលក្រោយមកបានស្រលាញ់គ្នាជាមួយ Mia ។ ទោះបីជាពួកគេមានចំណង់ចំណូលចិត្តនៃការលេងឧបករណ៏តន្ត្រីខុសគ្នាពិតមែន ក៏អារម្មណ៏នៃសេចក្តីស្នេហារបស់ពួកគេមិនខុសគ្នាដែរ កាន់តែស្រលាញ់គ្នាពីមួយថ្ងៃទៅមួយថ្ងៃ។
ជាចៃដន្យអាក្រក់ នៅពេលដែលក្រុមគ្រួសាររបស់ Mia កំពុងធ្វើដំណើរតាមរថយន្តបានជួយគ្រោះថ្នាក់ក្រឡាប់ឡាន ធ្វើអោយ Mia សន្លប់បាត់បង់ស្មារតី។ អំឡុងពេលដែលនាងសំរាកក្នុងមន្ទីរពេទ្យ មានរឿងកើតឡើងជាច្រើនដែលតំរូវអោយនាងសម្រេចចិត្តថាតើនាងគួរតែដើរទៅរកសេចក្តីស្លាប់ ដោយបោះបង់មនុស្សនៅជុំវិញខ្លួន ជាពិសេសគឺ Adam រឺក៏ត្រូវព្យាយាមងើបឡើងពីការសន្លប់ហើយបន្តជីវិតរស់នៅវិញ។
If I Stay បានទទួលស្គាល់ពីប្រិយមិត្តថា ពិតជាបានធ្វើអោយពួកគេស្រក់ទឹកភ្នែក រំជើបរំជួលអារម្មណ៏មិនត្រឹមតែសេចក្តីស្នេហារបស់ Mia និង Adam ទេ តែក្តីស្រលាញ់រវាងក្រុមគ្រួសារដែលតែងតែជួយគ្នាទៅវិញទៅមកទោះបីជាមានរឿងអ្វីកើតឡើងក៏ដោយ។ If I Stay ចាក់បញ្ចាំងហើយ សូមកុំភ្លេចកក់សំបុត្រ និង ទិញសំបុត្រទស្សនាឥលូវនេះ។
សូមទស្សនាវីដេអូខ្លីនៅទីនេះ
ចែករំលែកព័តមាននេះ