រាជធានីភ្នំពេញ ៖ ការបង្ហាញខ្លួនជាថ្មីនៅលើរេញប្រដាល់ MMA របស់ស្ថាប័ន One FC នៅកោះពេជ្រនាពេលចុងក្រោយរបស់កីឡាករ ចាន់ រតនា ដែលជាជើងខ្លាំងយុទ្ធគុនខម មិនមែនជារឿងចៃដន្យនោះទេ គឺក្នុងបំណងដើម្បីទទួលបាននូវការចាប់អារម្មណ៍ជាថ្មីពីសំណាក់មហាជនដែលធ្លាប់គាំទ្រលោក ។ យ៉ាងណាក៏ដោយ ការត្រឡប់មកវិញនេះ គឺលោកសស្រាក់សស្រាំតែលើប្រដាល់ដាក់ទ្រុងដែលជាអាជីពមួយថ្មីប៉ុណ្ណោះ ។
រាជធានីភ្នំពេញ ៖ ការបង្ហាញខ្លួនជាថ្មីនៅលើរេញប្រដាល់ MMA របស់ស្ថាប័ន One FC នៅកោះពេជ្រនាពេលចុងក្រោយរបស់កីឡាករ ចាន់ រតនា ដែលជាជើងខ្លាំងយុទ្ធគុនខម មិនមែនជារឿងចៃដន្យនោះទេ គឺក្នុងបំណងដើម្បីទទួលបាននូវការចាប់អារម្មណ៍ជាថ្មីពីសំណាក់មហាជនដែលធ្លាប់គាំទ្រលោក ។ យ៉ាងណាក៏ដោយ ការត្រឡប់មកវិញនេះ គឺលោកសស្រាក់សស្រាំតែលើប្រដាល់ដាក់ទ្រុងដែលជាអាជីពមួយថ្មីប៉ុណ្ណោះ ។
គ្មានអ្នកណាមិនដឹងនោះទេថាកីឡាកររូបនេះគឺជាជើងខ្លាំងផ្នែកយុទ្ធគុនខមម្នាក់ ដែលអាចចាត់ទុកថា ជាគ្រូគុនដ៏ខ្លាំងនៅក្នុងក្បាច់គុននេះ ។ លោកជាធនធានកីឡាករដ៏កម្រ ដែលក្រៅពីអាចចេះស្ទាត់ក្បាច់យុទ្ធគុនខម ក៏មានឈ្មោះបោះសំឡេងក្នុងពិភពប្រដាល់នាពេលកន្លងមកផងដែរ ។ លោកធ្លាប់បង្ហាញខ្លួននៅក្នុងប្រទេសបារាំងច្រើនលើកមកហើយនៅលើសង្វៀនប្រដាល់សេរី និងការបង្ហាញយុទ្ធគុនខមនៅទ្វីបអឺុរ៉ុបដោយសារតែលោកមានភរិយាជាជនជាតិបារាំង ដែលការចេញចូលទីនោះគឺមិនលំបាក ។ ក្នុងពេលកំពុងល្បី លោកបានបោះបង់អាជីពប្រដាល់ ហើយងាកទៅថតកុនយ៉ាងសង្ហារបន្ទាប់ពីការប្រដាល់បានតែឱ្យលោកល្បីឈ្មោះ ប៉ុន្តែមិនអាចទទួលប្រាក់ចំណូលសមស្រប ។
លោកបានក្លាយជាតារាភាពយន្តមានឈ្មោះបោះសំឡេងតែមួយប៉ប្រិចភ្នែក តាមរយៈឈុតឆាកសម្តែងជាតួឯកក្នុងរឿងផ្ទួនៗ ដោយប្រើទេពកោសល្យវ៉ៃតប់ចេះស្ទាត់ក្បាច់គុន ។ គាប់ជួនជាក្នុងពេលនោះ លោកហាក់មមាញឹកច្រើនជាមួយមុខជំនួញរបស់ឪពុកម្តាយជាជនជាតិបារាំងនៅស្រុកខ្មែរនាពេលកន្លងមកផង ទើបចាន់ រតនា ហាក់បំភ្លេចចោលការប្រដាល់នៅលើសង្វៀនដែលធ្លាប់ជួយឱ្យលោកល្បីឈ្មោះតែម្តង ។ យ៉ាងណាក៏ដោយ ក្នុងរយៈពេលចុងក្រោយ លោកបានបង្ហាញមុខវិញហើយ ប៉ុន្តែក្នុងទម្រង់ការប្រដាល់ដាក់ទ្រុង ដោយមានទាំងឱកាសឡើងប្រកួតលើរេញអន្តរជាតិ MMA នៅកោះពេជ្រ កាលពីថ្ងៃទី១២ កញ្ញា មុននេះផង។ វត្តមានរបស់លោកក្នុងអាជីពថ្មីទទួលជោគជ័យត្រចះត្រចង់ ដែលរុញឱ្យលោកទទួលបានការចាប់អារម្មណ៍ដោយមិនប្រើពេលយូរ ។
អ្នកគាំទ្របានសរសើរថា ជើងខ្លាំងដែលធ្លាប់ល្បីក្នុងពិភពប្រដាល់សេរី និងក្បាច់យុទ្ធគុនខមដូចលោកអាចប្រកួតបានល្អក្នុងប្រភេទប្រដាល់ដាក់ទ្រុងមិនគួរឱ្យជឿទៀតផង ។ ចាន់ រតនា និយាយថា ការប្រដាល់ដាក់ទ្រុងដ្បិតតែថ្មី ប៉ុន្តែវាមានក្បាច់ប្រយុទ្ធភាគច្រើនពាក់ព័ន្ធនឹងក្បាច់យុទ្ធគុនខម និងការប្រដាល់សេរី ទើបធ្វើឱ្យលោកអាចមានសមត្ថភាពប្រកួតគ្រប់គ្រាន់នៅលើរេញកន្លងមក ។ ការឡើងប្រកួតរបស់លោក គឺមិនមែនគ្រាន់តែចង់បានប្រាក់ដែលមានចំណូលល្អជាងការប្រដាល់សេរីមួយនេះទេ ប៉ុន្តែក៏មានបំណងដណ្តើមយកកេរ្តិ៍ឈ្មោះបោះសំឡេងឱ្យខ្លាំងឡើងវិញ ដើម្បីមានឱកាសទៅប្រកួតនៅក្រៅប្រទេសក្នុងពេលខាងមុខនោះផងដែរ ។ លោកចាត់ទុកថា ការប្រដាល់ដាក់ទ្រុងកំពុងមានការចាប់អារម្មណ៍ជាងការប្រដាល់សេរី ដោយសារតែនៅបណ្តាប្រទេសភាគច្រើនលើកស្ទួយ ។ អ្វីដែលសំខាន់គឺកីឡាមួយនេះអាចជួយឱ្យកីឡាករឡើងប្រកួតទទួលបានតម្លៃខ្លួនខ្ពស់ ដោយសូម្បីតែការប្រកួតក្នុងស្រុកក៏បានកម្រៃខ្ពស់ជាងការប្រដាល់សេរី ។
មួយរយៈនេះ លោកបានបង្ហាញខ្លួនចូលហាត់ជាប់លាប់ក្នុងក្លិប ដើម្បីបង្កើនសមត្ថភាព និងឱ្យមានឈ្មោះល្បីក្នុងស្រុកដើម្បីទទួលបានឱកាសទៅកាន់សង្វៀនដាក់ទ្រុងអន្តរជាតិ ដែលមានប្រទេសកាន់តែច្រើនចាប់អារម្មណ៍ ។ លោកអះអាងថា បើស្ទាត់ការប្រដាល់ដាក់ទ្រុង គឺមិនខ្វះទីផ្សារក្រៅស្រុកនោះទេ ទើបលោកត្រូវតែធ្វើខ្លួនឱ្យមានសមត្ថភាព និងល្បីឈ្មោះជាមុនសិននៅក្នុងសង្វៀនប្រដាល់ដាក់ទ្រុងក្នុងស្រុក ៕
ចែករំលែកព័តមាននេះ