តាមប្រភពព័ត៌មានប៊ីស៊ីស៊ី ចេញផ្សាយកាលពីថ្ងៃអង្គារ ទី១៦ កញ្ញា ឆ្នាំ២០១៤ បានឱ្យដឹងថា លោក Jerome Champagne ជនជាតិបារាំង បានប្រកាសថា លោកនឹងឈរឈ្មោះជាបេក្ខជនបោះឆ្នោតប្រជែងជាមួយលោក ស៊ែប ប្លាធ័រ ដើម្បីធ្វើជាប្រធានសហព័ន្ធបាល់ទាត់ FIFA អាណត្តិទី៥ ដែលគ្រោងនឹងធ្វើឡើងនៅខែមិថុនា ឆ្នាំ២០១៥ ខាងមុខនេះ ។
ការលើកឡើងរបស់លោក Champage បានកើតឡើងក្រោយពីលោកប្រធាន FIFA ចាស់វស្សា សែ៊ប ប្លាធ័រ ប្រកាសបន្តឈរឈ្មោះជាប្រធាន FIFA អាណត្តិថ្មីបន្តទៀត ។ អតីតអ្នកការទូតបារាំងវ័យ៥៦ឆ្នាំ លោក Champagne ធ្លាប់បម្រើការជានាយកប្រតិបត្តិរបស់សហព័ន្ធបាល់ទាត់ FIFA ពីឆ្នាំ១៩៩៩ដល់២០១០ បាននិយាយថា ៖ «ខ្ញុំបានសរសេរលិខិតផ្ញើរទៅសហព័ន្ធបាល់ទាត់អន្តរជាតិ FIFA រួចរាល់ហើយ ដោយបញ្ជាក់ពីបំណងរបស់ខ្ញុំក្នុងការឈរឈ្មោះជាបេក្ខជនប្រធាន FIFA អាណត្តិទី៥» ។ដើម្បីជាប់ជាប្រធាន FIFA លោក Champagne ត្រូវការសម្លេងគាំទ្រចំនួន៥ពីសមាជិក សមាគមបាល់ទាត់របស់បណ្តាទ្វីបទាំង៥ ៕
ចែករំលែកព័តមាននេះ