រាជធានីភ្នំពេញ ៖ យុវជនម្នាក់បានដេកសន្លប់ក្នុងថ្លុកឈាមដោយសារតែត្រូវក្មេងស្ទាវ១ក្រុមមានគ្នាប្រមាណ៧ទៅ៨នាក់ព្រួតគ្នាវាយដោយប្រើខ្សែក្រវាត់ ដុំថ្ម និងដំបងបណ្តាលឲ្យរបួសធ្ងន់ កាលពីវេលាម៉ោង១២ និង៤៥នាទីរំលងអាធ្រាត ឈានចូលថ្ងៃទី១៦ កញ្ញា ២០១៤ តាមច្រកផ្លូវចូលទៅក្លិបសិល្បៈតារារះជាប់របងស្ថានីយប្រេងឥន្ទនៈតូតាល់ ក្នុងសង្កាត់ទឹកថ្លា ខណ្ឌសែនសុខ ។
យុវជនរងគ្រោះឈ្មោះសារឿន បញ្ញា អាយុ២២ឆ្នាំ ស្នាក់នៅសង្កាត់កាកាប ខណ្ឌពោធិ៍សែនជ័យបាននិយាយទាំងក្នុងស្ថានភាពធ្ងន់ធ្ងរថា ខ្លួនបានជិះម៉ូតូ១គ្រឿងជាមួយមិត្តភក្តិ២នាក់ទៀតមករាំកំសាន្តនៅក្នុងអាវ៉ាឡូនឌីស្កូ ជាច្រើនម៉ោង ហើយមិត្តភក្តិ២នាក់ដែលមកជាមួយគ្នាបានសុំទៅផ្ទះមុន ។ ជនរងគ្រោះបន្តថា នៅវេលាម៉ោងខាងលើខ្លួនបានចេញពីក្នុងអាវ៉ាឡូនឌីស្កូក្លិប ដើម្បីត្រឡប់ទៅផ្ទះ ហើយបានយកទូរស័ព្ទហៅមិត្តភក្តិមកយក ខណៈពេលនោះស្រាប់តែលេចមុខក្រុមជនសង្ស័យមានគ្នា៧ទៅ៨នាក់បាននាំគ្នាព្រួតវាយប្លន់យកកាបូបលុយ និងទូរស័ព្ទម៉ាកសាំសុងចំនួន១គ្រឿង រួចនាំគ្នាគេចខ្លួនបាត់ដោយសុវត្ថិភាពតែម្តង ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ