រាជធានីភ្នំពេញ​ ៖ យ៉ាងហោចណាស់​មនុស្ស ​០៦នាក់បានស្លាប់ ​និង របួស២១នាក់​ ក្នុងនោះ១២នាក់របួសធ្ងន់​ ដោយសារ​ឧបទ្ទវហេតុ​គ្រោះថ្នាក់ចរាចរណ៍​១២លើក ​កើតឡើងនៅទូទំាង​ប្រទេសកម្ពុជា​កាលពីថ្ងៃទី១៥​ កញ្ញា ​២០១៤ ។

បើតាមរបាយការណ៍​របស់អគ្គស្នងការដ្ឋាន​នគរបាលជាតិ​ក្រសួងមហាផ្ទៃ​បានបង្ហាញទៀតថា​ ក្នុងគ្រោះថ្នាក់ចរាចរណ៍​ទាំង១២លើកខាងលើ ​បានបង្កឲ្យខូចខាត​យានយន្តសរុប ​២២គ្រឿង ​ក្នុងនោះម៉ូតូ​ ១៥គ្រឿង ​ រថយន្តធុនតូច ​០១គ្រឿង, យានផ្សេងៗ០៤គ្រឿង ​និង​អ្នកថ្មើរជើង០២នាក់ ។

របាយការណ៍​ដដែលបានបញ្ជាក់​បន្ថែមទៀតថា ​មូលហេតុដែលបង្កឲ្យ​កើតមានគ្រោះថ្នាក់​ គឺបណ្តាលមកពីល្បឿន​ ០៥លើក​, មិនគោរពសិទ្ធ ០៤លើក, ​បត់គ្រោះថ្នាក់​ ០២លើក, មិនប្រកាន់ស្តាំចំនួន​ ០១លើក​ ស្រវឹង០៣លើក ​កត្តាយានយន្ត០១លើក​ និងមនុស្សដើរឆ្លងផ្លូវ​០១លើក ​​ក្នុងនោះអ្នកជិះម៉ូតូ​បណ្តាលអោយគ្រោះថ្នាក់​ដោយមិនបានពាក់មួកសុវត្ថិភាព​ចំនួន ២១នាក់ ៕