សារព័ត៌មានបរទេសផ្សាយថា លោកឈីវ អាយុ២៩ឆ្នាំ បានប្តឹងទៅសាលាដំបូងក្រុងនីងប៉ូ ខេត្តជឺជាំង កាលពីថ្ងៃទី៣ កញ្ញា ២០១៤ សុំលែងប្រពន្ធនាងសៀវឈើន អាយុ២៦ឆ្នាំ ដោយសារនាងវក់លេងទូរស័ព្ទមិនសូវរវល់នឹងប្តី ។ ប្តី-ប្រពន្ធនេះរៀបការទើបតែជិតបាន១ឆ្នាំប៉ុណ្ណោះ ។
លោកឈីវ និយាយថា ជីវិតអាពាហ៍ពិពាហ៍របស់លោកមានអ្នកទី៣ ចូលជ្រៀតជ្រែក គឺទូរស័ព្ទ ។ នាងជាប្រពន្ធអាចរស់បានដោយគ្មានប្តី ប៉ុន្តែគ្មានសេចក្តីសុខបើគ្មានទូរស័ព្ទ ។ នាងសៀវឈើន គិតតែលេងទូរស័ព្ទមិនបំពេញការងារផ្ទះ មិនចម្អិនអាហារ ពិសេសមិនសូវរវល់នឹងប្តី ។
ចៅក្រមបានប្រាប់ឱ្យប្តី-ប្រពន្ធនោះសម្រុះសម្រួលគ្នា កុំឈានដល់លែងលះ ខណៈនាងសៀវឈើន សន្យាថា នឹងកែខ្លួនដោយយកចិត្តទុកដាក់លើការងារផ្ទះ ពិសេសស្និទ្ធស្នាលផ្អែមល្ហែមជាមួយស្វាមី មិនសោះអង្គើយ ព្រោះតេវក់នឹងលេងទូរស័ព្ទដូចមុនទេ៕
ចែករំលែកព័តមាននេះ